9:28 am - Wednesday September 20, 2017

സിപിഎം അക്രമങ്ങളെ സമൂഹം എതിര്‍ക്കണം: ആര്‍എസ്എസ്

പാലക്കാട്: കഞ്ചിക്കോട് സിപിഎം അക്രമത്തിനിരയായി കൊലചെയ്യപ്പെട്ട ചടയന്‍കലായി രാധാകൃഷ്ണന്റെ കുടുംബത്തിന് സംസ്ഥാന സര്‍ക്കാര്‍ നഷ്ടപരിഹാരം നല്‍കണമെന്ന് ആര്‍എസ്എസ് പ്രാന്തകാര്യവാഹ് പി.ഗോപാലന്‍കുട്ടി മാസ്റ്റര്‍ ആവശ്യപ്പെട്ടു. പാലക്കാട് പത്രസമ്മേളനത്തില്‍ സംസാരിക്കുകയായിരുന്നു അദ്ദേഹം.

കഴിഞ്ഞകുറച്ച് കാലങ്ങളായി ഇവിടെ സിപിഎമ്മിന്റെ നേതൃത്വത്തില്‍ അക്രമണം തുടരുകയാണ്. കേരളത്തില്‍ തന്നെ ആദ്യമായാണ് ഒരാളെ ചുട്ടുകൊല്ലുന്നത്. ഗൂഢാലോചന നടത്തിയ നേതാക്കന്മാര്‍ക്കെതിരെ കൊലക്കുറ്റത്തിന് കേസെടുക്കണം. 21-ാം നൂറ്റാണ്ടില്‍ അപഹാസ്യവും മൃഗീയവുമായ സിപിഎമ്മിന്റെ നടപടിയെ പൊതുസമൂഹം എതിര്‍ക്കേണ്ടതാണ്. ഇത്രയും നീചമായ പ്രവര്‍ത്തനം ഒരിക്കലും അംഗീകരിക്കാന്‍ കഴിയാത്തതാണ്. ആളുകെള ചുട്ടുകൊല്ലുന്ന രീതിയിലേക്ക് രാഷ്ട്രീയ സംവിധാനം മാറി.

സര്‍ക്കാരിന്റെ ഭാഗത്തു നിന്ന് അക്രമപ്രവര്‍ത്തനങ്ങള്‍ നിര്‍ത്തലാക്കുവാന്‍ നടപടിസ്വീകരിക്കണമെന്നും അദ്ദേഹം പറഞ്ഞു. പോലീസിന്റെ മൂക്കിനുതാഴെ ഭയനാകമായ സംഭവങ്ങള്‍ നടന്നിട്ടും കണ്ടില്ലെന്നു നടിക്കുന്നസ്ഥിതി ആശങ്കാജനകമാണ്. കുറ്റക്കാര്‍ക്കെതിരെ മുഖംനോക്കാതെ നടപടിയെടുക്കുമെന്ന് മുഖ്യമന്ത്രി ആവര്‍ത്തിക്കുമ്പോഴും സംഘപരിവാറിനു മാത്രം സ്ഥിതി നേരെമറിച്ചാണ്. യഥാര്‍ത്ഥ പ്രതികളെ അറസ്റ്റ് ചെയ്യാതിരിക്കുകയും, സംഘപരിവാര്‍ പ്രവര്‍ത്തകരെ കള്ളക്കേസില്‍കുടുക്കുകയും ചെയ്യുന്നതില്‍ പോലീസിന്റെ ഭാഗത്തു വീഴ്ചയുണ്ട്.

 

News Feed
Filed in

‘Harmonious society is the base for Shreshta Bharat : RSS Sarasanghachalak Mohan Bhagwat at Hyderabad

BJP worker succumbs to burns by CPM attack

Related posts