3:13 pm - Tuesday December 17, 0813

തീരദേശ മേഖലയുടെ സംരക്ഷണത്തിന് കേന്ദ്രസേനയെ നിയോഗിക്കണം: വത്സന്‍ തില്ലങ്കേരി

കാഞ്ഞങ്ങാട്: തീരദേശ മേഖലയുടെ സംരക്ഷണത്തിന് കേന്ദ്രസേനയെ നിയോഗിക്കണമെന്ന് ആര്‍എസ്എസ് പ്രാന്തീയകാര്യകാരി സദസ്യന്‍ വത്സന്‍ തില്ലങ്കേരി ആവശ്യപ്പെട്ടു. ഭാരതീയ മത്സ്യപ്രവര്‍ത്തക സംഘം സംസ്ഥാന സമ്മേളനത്തിന് തുടക്കം കുറിച്ച് നടന്ന തീരദേശ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. രാജ്യത്തിന്റെ അതിരുകള്‍ കാക്കുന്ന സൈനികരെപ്പോലെ പരമാധികാരം സംരക്ഷിക്കുന്ന രാജ്യസേവനമാണ് മത്സ്യത്തൊഴിലാളി സമൂഹവും നടത്തുന്നത്. രാജ്യസുരക്ഷയില്‍ പ്രഥമസ്ഥാനം നല്‍കേണ്ട തീരദേശ മേഖല സര്‍ക്കാരുകളുടെ അവഗണന മൂലം ഭീകരവാദികളുടെ കേന്ദ്രമായി മാറിക്കൊണ്ടിരിക്കുകയാണ്. മാഫിയകള്‍ക്കും മതതീവ്രവാദികള്‍ക്കും വഴങ്ങിയാണ് തീരദേശമേഖലയില്‍ പോലീസ് നീതി നടപ്പിലാക്കിക്കൊണ്ടിരിക്കുന്നത്. ഇതുമൂലം പരമ്പരാഗത മത്സ്യത്തൊഴിലാളികള്‍ സംരക്ഷണമില്ലാതെ ആട്ടിയോടിക്കപ്പെടുകയാണ്. കടലോരത്ത് വര്‍ദ്ധിച്ചുവരുന്ന തീവ്രവാദ പ്രവര്‍ത്തനങ്ങള്‍ ഗൗരവമായെടുക്കാന്‍ പോലും സംസ്ഥാന സര്‍ക്കാര്‍ തയ്യാറാകുന്നില്ല. ഇരകളോടൊപ്പമല്ല വേട്ടക്കാരോടൊപ്പമാണ് തങ്ങളെന്ന് മാറാട് കൂട്ടക്കൊലയില്‍ ഇടത് വലത് മുന്നണികള്‍ തെളിയിച്ചതാണ്. ഹിന്ദു സമൂഹത്തെ കടലോരത്ത് നിന്നും ആട്ടിയോടിക്കാന്‍ ഭരണകൂടം ഒത്താശചെയ്യുന്നതിന്റെ തെളിവാണിത്. സംഘടിത ശക്തിയിലൂടെ മാത്രമേ ഇത് ചെറുത്ത് തോല്‍പ്പിക്കാനാകുവെന്നും അദ്ദേഹം പറഞ്ഞു.

Filed in

കരുത്ത് തെളിയിച്ച് ഭാരതീയ മത്സ്യപ്രവര്‍ത്തക സംഘം

കതിരൂര്‍ മനോജ്‌ വധക്കേസിന്റെ അന്വേഷണം സി.ബി.ഐക്ക്‌ കൈമാറി ഉത്തരവിറങ്ങി

Related posts