6:29 am - Tuesday November 21, 2017

ഡോക്‌ടര്‍ജി അനുപമ സംഘാടകന്‍

Balasaheb Deoras, Second Sarsanghachalak of RSS

Balasaheb Deoras, Second Sarsanghachalak of RSS

ഡോക്‌ടര്‍ജിയെ അനുസ്മരിച്ച്‌ സംഘത്തിന്റെ മൂന്നാമത്തെ പൂജനീയ സര്‍സംഘചാലക്‌ ബാളാ സാഹേബ്‌ ദേവറസ്ജി എഴുതിയ ലേഖനത്തിന്റെ മലയാള പരിഭാഷ. തയ്യാറാക്കിയത്‌ യു. ഗോപാല്‍ മല്ലര്‍

രാഷ്ട്രീയ സ്വയംസേവക സംഘം സ്ഥാപകനായ ഡോക്ടര്‍ ഹെഡ്‌ഗേവാറിന്റെ 126-ാം ജന്മദിനമാണ് മാര്‍ച്ച് 21. അദ്ദേഹത്തിനു കീഴില്‍ സംഘടനാപ്രവര്‍ത്തനമാരംഭിച്ച ബാളാസാഹേബ് ദേവറസ്ജി സംഘത്തിന്റെ മൂന്നാമത്തെ  സര്‍സംഘചാലകനായിരുന്നു.

പരമ പൂജനീയ ഡോക്ടര്‍ജിയെ ഞാന്‍ ആദ്യമായി പരിചയപ്പെട്ടതെങ്ങനെ, എവിടെവെച്ചാണ്എന്നതിനെക്കുറിച്ച് നിശ്ചിതമായി പറയുക പ്രയാസമാണ്. വാസ്തവത്തില്‍ മഹാപുരുഷനായ അദ്ദേഹത്തെ ആദ്യമായി പരിചയപ്പെട്ട സന്ദര്‍ഭം ജീവിതകാലം മുഴുവന്‍ അവിസ്മരണീയമായി നിലനില്‍ക്കേണ്ടതാണെന്നിരിക്കിലും ഡോക്ടര്‍ജിയുടെ സരളമായ ജീവിതരീതി കാരണം അദ്ദേഹവുമായി ബന്ധപ്പെടാന്‍ ഇടയായവര്‍ക്ക് അദ്ദേഹത്തിന്റെ  മഹത്വത്തെക്കുറിച്ചറിയാന്‍ കഴിഞ്ഞിരുന്നില്ല. ഈ കാരണത്താല്‍, ഞാന്‍ അദ്ദേഹത്തെ ആദ്യമായി പരിചയപ്പെട്ട അവസരം മഹത്വപൂര്‍ണ്ണമാണെന്ന് എനിക്കൊരിക്കലും അനുഭവപ്പെട്ടില്ല. അതുകൊണ്ട്, ആ ദിവസം, നിര്‍ഭാഗ്യകരമെന്ന് പറയട്ടെ, എനിക്കോര്‍ത്തെടുക്കാനാവുന്നില്ല.

tmp_4141-hedgewar1866836142ആദ്യമായി പരിചയപ്പെട്ടത്
കുട്ടിക്കാലത്ത് തന്നെ സുഹൃത്തുക്കള്‍ക്കൊപ്പം സംഘശാഖയില്‍ പോയിക്കൊണ്ടിരുന്ന ഒരുബാലസ്വയം സേവകനായിരുന്നു ഞാനും. ഒരു പക്ഷെ എന്റെ സുഹൃത്തുക്കള്‍ക്കൊ പ്പം ഡോക്ടര്‍ജിയുടെ വീട്ടില്‍പ്പോയ അവസരത്തിലായിരിക്കാം ഞാന്‍ അ ദ്ദേഹത്തെ ആദ്യമായി പരിചയപ്പെട്ടത്. 1928ല്‍ ഡോക്ടര്‍ജിയുടെ ഇളയച്ഛന്റെ മകനായ വാമന്‍ ഹെഡ്‌ഗേവാറിന്റെ ഉപനയനത്തിന് ഡോക്ടര്‍ജിയുടെ വീട്ടില്‍ പോയത് ഞാനിപ്പോഴും ഓര്‍ക്കുന്നു. പക്ഷെ, ആ സമയത്ത് എ നിക്ക് പ്രായം വളരെ കുറവായതുകൊ ണ്ട് ഒരു പക്ഷെ എന്റെ പേര് അദ്ദേഹത്തിന് അറിയുമായിരുന്നിരിക്കാം. അ തല്ലാതെ കുട്ടികളായ ഞങ്ങളെ പരിചയപ്പെടാനും ഓര്‍ത്തിരിക്കാനും മാത്രം മറ്റെന്തു കാരണമാണുള്ളത്? പക്ഷെ, മറ്റ് പ്രൗഢന്മാരായ ആളുകളെപ്പോലെ കുട്ടികളുടെ കാര്യത്തില്‍ അദ്ദേഹം ഒരിക്കലും ഉദാസീനത കാണിച്ചിരുന്നില്ല എന്നതിനാല്‍ കുട്ടികളായ ഞങ്ങള്‍ക്കും അദ്ദേഹത്തോട് വിശേഷമായ ആകര്‍ഷണം തോന്നിയിരുന്നു.

കുശപഥക്
കുറച്ചു കാലത്തിനുശേഷം എ ന്നെ ‘കുശപഥകി’ല്‍ ചേര്‍ത്തു. കുശപഥകിലെ സ്വയംസേവകരോട് ഡോക്ടര്‍ജിക്ക് പ്രത്യേക വാത്സല്യമുണ്ടായിരുന്നു. കുശപഥകിലെ ഓരോ സ്വയംസേവകനും വീണ്ടും വീണ്ടും  തന്റെ വീട്ടില്‍ വരുകയും തുറന്നമനസ്സോടെ സംസാരിക്കുകയും സംഘ ത്തെ സംബന്ധിച്ചുള്ള സംശയങ്ങള്‍ യഥോചിതം ദൂരീകരിച്ച് സംഘത്തെക്കുറിച്ച് വ്യക്തമായ കാഴ്ചപ്പാട് നേടുകയും ചെയ്യണമെന്ന് അദ്ദേഹം ആ ഗ്രഹിച്ചിരുന്നു. ഈ കാരണത്താല്‍ അവരുമായി അദ്ദേഹത്തിന് വളരെ സുദൃഢമായ ബന്ധം ക്രമേണ ഉണ്ടായി.
സേവനം സഹജസ്വഭാവം
ആളുകളെ പരിചയപ്പെടുന്നതിനെക്കുറിച്ച് പറയുകയാണെങ്കില്‍, അദ്ദേ ഹം ഓരോ വ്യക്തിയുമായും സുദൃഢമായ ബന്ധം സ്ഥാപിക്കാന്‍ സ്വയം പരിശ്രമിക്കുമായിരുന്നു. തനിക്കു പരിചയമുള്ളയാള്‍ക്ക് അസുഖമുണ്ടാവുകയോ എന്തെങ്കിലും പ്രശ്‌നമുണ്ടാവുകയോ ചെയ്താല്‍ അയാളെ സ്വന്തക്കാരനെന്ന് കണക്കാക്കി സേവിക്കുകയോ സഹായിക്കുകയോ ചെയ്യുന്നത് ഡോക്ടര്‍ജിയുടെ സഹജസ്വഭാവമായിരുന്നു. അതായത്, ഇത്രമാത്രം സ്‌നേഹം കാണിക്കുന്ന വ്യക്തിയെക്കുറിച്ച്, പുതുതായി പരിചയപ്പെടുന്ന വ്യക്തിയില്‍ സ്വഭാവികമായും ഉണ്ടാകുന്ന ഉദാസീനത പെട്ടെന്ന് തന്നെ ഇല്ലാതാവുകയും അവര്‍ ഡോക്ടര്‍ജിയുടെ ഉറ്റമിത്രങ്ങളായിത്തീരുകയും ചെയ്തിരുന്നു. എന്റെ കാര്യത്തിലും സംഭവിച്ചത് ഇതുതന്നെയാണ് എന്ന് പറയാമെങ്കിലും എന്റെ വീട്ടില്‍ വരാനുള്ള അവസരം അദ്ദേഹത്തിന് ഒരിക്കലും ഉണ്ടായില്ല. സംഘകാര്യവുമായി ബന്ധപ്പെട്ട് ഡോക്ടര്‍ജി മധ്യപ്രവിശ്യയിലും വിദര്‍ഭയിലും ഇടയ്ക്കിടക്ക് പോകുമായിരുന്നു. യവത്മാല്‍, അകോല മുതലായ സ്ഥലങ്ങളില്‍ അദ്ദേഹത്തോടൊപ്പം പോകാനുള്ള സൗഭാഗ്യം ചിലപ്പോഴൊക്കെ എനിക്കും കൈവന്നിരുന്നു. ഡോക്ടര്‍ ജിയുമായി സംസാരിക്കുമ്പോള്‍ ഒരു സംഘവിരോധിയുടെ നിലപാടില്‍ നിന്നുകൊണ്ടാണ് ഞാന്‍ സംഘസംബന്ധമായ വിഷയങ്ങളെക്കുറിച്ച് ചര്‍ച്ച ചെയ്തിരുന്നത്. വിരോധഭാവത്തിന്റെ അടിവേര് കണ്ടെത്തി മനസ്സിലെ സംശയങ്ങള്‍ ദൂരീകരിക്കുന്നതില്‍ അദ്ദേഹത്തിന് ഉണ്ടായിരുന്ന പാടവം അത്യപൂര്‍വമായി മാത്രം കാ ണാന്‍ പറ്റുന്ന ഒന്നായിരുന്നു. ഇത്തരം സംശയനിവൃത്തിക്കുവേണ്ടി, കര്‍മ്മകുശലതയെയും ജിജ്ഞാസുമനോഭാവത്തേയും അങ്ങേയറ്റം ഇഷ്ടപ്പെട്ട അദ്ദേഹം ആവശ്യമായ സമയം കൊ ടുക്കുവാന്‍ തയ്യാറായിരുന്നു. കാരണം കര്‍മ്മനിഷ്ഠരും കാര്യങ്ങള്‍ അറിയാന്‍ ജിജ്ഞാസയുമുള്ള തരുണന്മാരെ സംഘടിപ്പിക്കുക എന്നതായിരുന്നു അദ്ദേഹത്തിന്റെ ആഗ്രഹം.

സംഘസരിത്തിന്റെ ഉത്ഭവം
രാഷ്ട്രീയ സ്വയംസേവകസംഘം എന്ന ആശയം ഡോക്ടര്‍ജിയുടെ മനസ്സില്‍ ഉണ്ടായതെങ്ങിനെയെന്ന് പലരും എന്നോട് ചോദിക്കാറുണ്ട്. പക്ഷെ, ഈ കാര്യം ഞാനൊരിക്കലും അദ്ദേഹത്തോട് ആരാഞ്ഞിട്ടില്ല. എ ന്നാല്‍ അനേകം ആളുകളോട് അദ്ദേ ഹം സംസാരിക്കുന്ന അവസരങ്ങളില്‍ ഒട്ടനേകം സംഘടനകള്‍, കാര്യകര്‍ ത്താക്കന്മാര്‍ എന്നിവരുമായി ബന്ധപ്പെട്ട അനുഭവങ്ങള്‍ അദ്ദേഹം പങ്കുവെക്കാറുണ്ടായിരുന്നു. സംഘം ആരംഭിക്കാനുള്ള ദൃഢനിശ്ചയം അദ്ദേഹത്തില്‍ എങ്ങനെയുണ്ടായി എന്ന് ഈ ചര്‍ച്ചകളില്‍ നിന്നും അറിയാനാകുമായിരുന്നു. ഡോക്ടര്‍ജിയുമായി അടുപ്പമുണ്ടായിരുന്ന പല പൊതുപ്രവര്‍ ത്തകരും സുഹൃത്തുക്കളും വിപ്ലവസിദ്ധാന്തത്തില്‍ വിശ്വസിക്കുന്നവരായിട്ടാണ് അറിയപ്പെട്ടിരുന്നത്. എന്നാല്‍ അവരുടെ വിപ്ലവവീര്യം വിശ്വാമിത്ര ന്റെ തപസ്സുപോലെയായിരുന്നു. എന്തെങ്കിലും മോഹം തോന്നുന്ന മാ ത്രയില്‍ അവരുടെ  വിപ്ലവചിന്തകളുടെ അഗ്നി കെട്ടടങ്ങിയിരുന്നു. മനുഷ്യന്റെ ചിന്തയും വാക്കും പ്രവൃത്തി യും ഒരുപോലെ ആയിരിക്കണമെന്ന് വിശ്വസിച്ചിരുന്ന ഡോക്ടര്‍ജി, ഇത്ത രം ആളുകളുടെ ജീവിതത്തിലെ വൈ രുദ്ധ്യങ്ങളെ വ്യക്തമാക്കിക്കൊണ്ട് തന്റെ സ്വതന്ത്രവും മൗലികവുമായ ചിന്ത മുന്നോട്ടുവെക്കുമ്പോള്‍ അതിലൂടെ സംഘത്തെക്കുറിച്ചുള്ള അദ്ദേഹത്തിന്റെ സങ്കല്‍പം പ്രകടമാകുമായിരുന്നു. നിഷ്ഠയോടെയുള്ള അദ്ദേഹത്തിന്റെ പ്രവര്‍ത്തനരീതിയും മറ്റുള്ളവരുടെ നിഷ്ഠാവിഹീനമായ പ്ര വര്‍ത്തനസ്വഭാവവും തമ്മില്‍ സംഘര്‍ ഷമുണ്ടാകുമ്പോള്‍, സ്വാഭാവികമായും സംഘത്തെക്കുറിച്ചുള്ള സങ്കല്പവും നിഷ്ഠാരഹിതമായ പ്രവര്‍ത്തനശൈലിയും തമ്മിലുള്ള സംഘര്‍ഷം തന്നെയായിരുന്നു അത്. അനേകം പത്രസ്ഥാപനങ്ങള്‍, വിദ്യാഭ്യാസ സ്ഥാപനങ്ങള്‍, വ്യായാമശാലകള്‍, മറ്റ് തരത്തിലുള്ള സ്ഥാപനങ്ങള്‍ എന്നിവ എ ന്തുകൊണ്ട് പരാജയപ്പെടുന്നു എന്നതിനെക്കുറിച്ചുള്ള ഡോക്ടര്‍ജിയുടെ മര്‍മ്മസ്പര്‍ശിയായ വിശ്ലേഷണം കേള്‍ക്കാന്‍ പലപ്പോഴും അവസരമുണ്ടായിട്ടുണ്ട്. ഏതെങ്കിലും കാര്യത്തിനുവേണ്ടി ജീവിതസര്‍വ്വസ്വവും സമര്‍ പ്പണം ചെയ്ത് അതിനുവേണ്ടി പ്രവര്‍ ത്തിക്കുന്നവരുടെ അഭാവം അദ്ദേഹത്തിന് സമാജത്തില്‍ കാണുവാനായി. സമാജ ജീവിതത്തിന്റെ അത്യന്തം ശോചനീയമായ ഈ അവസ്ഥയെ പരിഹരിക്കുന്നതിന് നിഷ്ഠാവാന്മാരായ കാര്യകര്‍ത്താക്കളെ നിര്‍മ്മിക്കുന്ന സംഘടനയുടെ അടിത്തറ അദ്ദേഹം പാകി. അവ്യവസ്ഥിതമായ ഹിന്ദുസമാജത്തെ സുസംഘടിതമാക്കി തീര്‍ ക്കാനും ഇംഗ്ലീഷു ഭരണത്തിന്റെ അടിമച്ചങ്ങല പൊട്ടിച്ചെറിഞ്ഞ് സ്വാ തന്ത്ര്യം നേടാനും ആ സ്വാതന്ത്ര്യത്തെ പരിരക്ഷിക്കാനും സര്‍വപ്രഥമമായി ദേശീയ ഗുണയുക്തമായ സംഘടിത ജീവിതത്തിന്റെ പാഠം പകര്‍ന്നുനല്‍കാന്‍ പോന്ന പ്രവര്‍ത്തനമാണ് ഉണ്ടാകേണ്ടത് എന്നത് അദ്ദേഹത്തിന്റെ അചഞ്ചലമായ വിശ്വാസമായിരുന്നു. ബോംബും തോക്കും ഉപയോഗിച്ചുകൊണ്ടു ള്ള രാജനൈതിക പ്രവര്‍ത്തനം കൊണ്ട് വിശാലവും അസംഘടിതവുമായ ഈ രാഷ്ട്രത്തിന്റെ ഉദ്ധാരണം സാധ്യമാകുമെന്ന മിഥ്യാബോധം അദ്ദേഹത്തിന് ഒരിക്കലും ഉണ്ടായിരുന്നില്ല. വിപ്ലവപ്രവര്‍ത്തനങ്ങളെ സംബന്ധിച്ചുള്ള പ്രത്യക്ഷാനുഭവത്തില്‍ നിന്ന് അവരുടെ രഹസ്യപൂര്‍ണമായ ഒളിപ്രവര്‍ത്തനത്തിലുള്ള വിശ്വാസം അദ്ദേഹത്തിന് തീര്‍ത്തും നഷ്ടപ്പെട്ടിരുന്നു.
അത്യുത്സാഹികളായ ചില ചെറുപ്പക്കാര്‍ ദേശസ്‌നേഹത്താല്‍ പ്രേരിതരായി ഒന്നിച്ചുചേര്‍ന്ന് ഇംഗ്ലീഷുകാരെ ഉന്മൂലനം ചെയ്യാന്‍ ആയുധങ്ങള്‍ സംഭരിക്കാന്‍ പദ്ധതിയിടുകയും എപ്പോഴെങ്കിലും ബോംബോ തോക്കോ ലഭിക്കാതെ വരുന്ന സാഹചര്യത്തില്‍ അവരുടെ ധൈര്യം ചോര്‍ന്നുപോവുകയും ചെയ്യുന്നു. ആവേശംകൊണ്ട് പെട്ടെന്ന് എന്തെങ്കിലും ചെയ്തുകളയാനുള്ള തത്രപ്പാടില്‍ അവരുടെ സംയമനം നഷ്ടപ്പെടുന്നു. സംയമനം നഷ്ടപ്പെടുമ്പോഴാകട്ടെ, എല്ലാ കാര്യങ്ങളും അവതാളത്തിലാവുകയും പദ്ധതി പരാജയപ്പെടുകയും ചെയ്യുന്നു. ചിലര്‍ അത്യുത്സാഹത്താല്‍ കൊ ള്ളയടിക്കുകയും  മറ്റു ചിലര്‍ അമിതാവേശത്താല്‍ ആരുടെയെങ്കിലും നേര്‍ ക്ക് ബോംബ് എറിയുകയും പോലീസിന്റെ കെണിയില്‍ ചെന്നു പെടുകയും ചെയ്യുന്നു. സ്വാതന്ത്ര്യം നേടിയെടുക്കുന്നതിനായുള്ള അവരുടെ പദ്ധതികളെല്ലാം കലാശിക്കുന്നത് ഇത്തരത്തിലായിരുന്നു. വിപ്ലവകാരികളുടെ ഇത്തരം നയങ്ങളോട് ഡോക്ടര്‍ജിക്ക് ഒരിക്കലും യോജിക്കാന്‍ കഴിഞ്ഞില്ല.

സംഘത്തിന്റെ പ്രാണപ്രതിഷ്ഠ
നമ്മുടെ സമാജം ചിന്തയിലും പ്രവൃത്തിയിലും പൂര്‍ണമായും വിദേശീയരുടെ ദാസന്മാരായിത്തീര്‍ന്നതു കണ്ട അദ്ദേഹം സ്വാഭിമാനം, സ്വധര്‍ മ്മാഭിമാനം, അച്ചടക്കം, സ്വഭാവശുദ്ധി, നിര്‍ഭയത മുതലായ ദേശീയ സദ്ഗുണങ്ങള്‍കൊണ്ട് പൂര്‍ണത കൈവരിച്ച സമാജത്തെ സൃഷ്ടിക്കുന്നതിനുവേണ്ടി പ്രയത്‌നിച്ചു. അധികാരമോഹത്തില്‍ അധിഷ്ഠിതമായ രാജനൈതിക വിവാദങ്ങളില്‍ നിന്നുമകന്നു നിന്ന്  സമാജത്തില്‍ സുപ്താവസ്ഥയിലുള്ള സദ്ഗുണങ്ങളെ തട്ടിയുണര്‍ത്തുന്ന സാംസ്‌കാരികദൗത്യം അവിരതം നിര്‍വ്വഹിക്കാന്‍ പോന്ന ഒരു സംഘടനയുടെ നിര്‍മ്മാണം മാത്രമായിരുന്നു അദ്ദേഹത്തിന്റെ ലക്ഷ്യം. ദേശത്ത് നിലവില്‍ പ്രവര്‍ത്തിക്കുന്ന സംഘടനകള്‍, അവയുടെ പ്രവര്‍ത്തനപദ്ധതി എന്നിവയെക്കുറിച്ചോര്‍ത്ത് അദ്ദേഹം തികച്ചും നിരാശനായിരുന്നു. കേവലം പരിഷ്‌ക്കരണ സംരംഭങ്ങള്‍കൊണ്ടു മാത്രം ദേശത്തിന്റെ ഉദ്ധാരണം സാധ്യമല്ലെന്നു മനസ്സിലാക്കിയ ഡോക്ടര്‍ജി, യുവതലമുറയില്‍ നിരന്തരം ദേശീയസംസ്‌കാരം വളര്‍ത്തി, രാഷ്ട്ര പുനര്‍നിര്‍മ്മാണപ്രവര്‍ത്തനം ഏറ്റെടുക്കാന്‍ പോന്ന അസംഖ്യം കാര്യകര്‍ത്താക്കന്മാരെ സൃഷ്ടിച്ചെടുക്കുന്നതിനുവേണ്ടി ഒരു സംഘടന രൂപീകരിക്കണം എന്ന നിശ്ചയത്തോടെയാണ് സംഘത്തിന്റെ പ്രാണപ്രതിഷ്ഠ നിര്‍വ്വഹിച്ചത്.
സംസ്‌കാരത്തിന്റെ അടിസ്ഥാനത്തില്‍ മാത്രമേ ദേശത്തിന്റെ ഉന്നമനം സാധ്യമാകൂ എന്നതായിരുന്നു അദ്ദേഹത്തിന്റെ അടിയുറച്ച വിശ്വാസം. അതേസമയം വിദേശ ഭരണകൂടത്തെ ഇവിടെ നിന്നും നിഷ്‌ക്കാസനം ചെയ്യ ണം എന്ന വിഷയത്തിലും അദ്ദേഹം ഉദാസീനനായിരുന്നില്ല. വിപ്ലവപ്രവര്‍ത്തനങ്ങളിലൂടെ വിദേശഭരണത്തെ തുരത്തിയോടിക്കാം എന്നു ചിന്തിച്ചവരേക്കാള്‍ എത്രയോ മടങ്ങ് തീവ്രമായിരുന്നു സ്വാതന്ത്ര്യം നേടാന്‍ വേണ്ടിയുള്ള ഡോക്ടര്‍ജിയുടെ അഭിവാഞ്ഛ. വൈദേശിക ഭരണം സൃ ഷ്ടിച്ച വിഷലിപ്തമായ കാലാവസ്ഥയില്‍ ദേശീയ സംസ്‌കാരത്തിന്റെ രക്ഷയും അഭിവൃദ്ധിയും അസാധ്യമാണ്. കാരണം പരാജിതമായ ജനസമൂഹം വിജേതാക്കളുടെ ആദര്‍ശങ്ങ ളെ തന്നെയായിരിക്കും ശ്രേഷ്ഠമെന്ന് കരുതുക എന്നതോടൊപ്പം അവയെ അനുകരിക്കുകയും ചെയ്യും. അതുകൊണ്ട് സാംസ്‌കൃതിക പ്രവര്‍ത്തനം ശരിയാംവണ്ണം നടക്കണമെങ്കില്‍ അതിനുള്ള സര്‍വപ്രഥമമായ ഉപാധി സ്വാ തന്ത്ര്യം നേടുക എന്നതുതന്നെയാണ്. ഈ കാര്യം അദ്ദേഹം എപ്പോഴും പറയുകയും ചെയ്യുമായിരുന്നു. ദുര്‍ബ്ബലവും വിഘടിതവുമായ നമ്മുടെ സമാജം ഈശ്വരനിയോഗത്താല്‍ ഒരു പക്ഷെ സ്വതന്ത്രമായി തീര്‍ന്നാല്‍പ്പോലും ഒരു ഭിക്ഷക്കാരന് ആനയെ ദാനമായി കിട്ടിയാലത്തെ അവസ്ഥയായിരിക്കും നമ്മുടേത്. നമുക്ക് സ്വരാജ്യത്തിനാവശ്യമായ വ്യവസ്ഥകള്‍ ചെയ്യാനോ അതിനെ സംരക്ഷിക്കാനോ ആവില്ല.

സ്വാതന്ത്ര്യം നേടിയെടുക്കുന്നതിനും നേടിയ സ്വാതന്ത്രത്തെ സംരക്ഷിക്കുന്നതിനും ദേശീയ ചാരിത്ര്യം ഉണ്ടാകേണ്ടത് അനിവാര്യമാണ്. ദേശീയചാരിത്ര്യം ഉണ്ടാക്കുക എന്നതാണ് വാസ്തവത്തില്‍ രാഷ്ട്രപുനര്‍നിര്‍മ്മാണത്തിന്റെ ആദ്യപടി എന്ന് മനസ്സിലാക്കി നിയന്ത്രണവിഹീനമായ ഹിന്ദുസമാജത്തെ സുദൃഢവും സംയമനശീല പൂര്‍ണ്ണവും പ്രഭാവിയുമായ സംഘടനക്കു കീഴില്‍ അണിനിരത്താന്‍ തന്റെ ജീവിതത്തിന്റെ ഓരോ ക്ഷണവും ഓരോ കണവും സമര്‍പ്പിക്കുവാനുള്ള മഹത്തായ തീരുമാനം ഡോക്ടര്‍ജി കൈ ക്കൊണ്ടു. മഹാപുരുഷന്മാര്‍ അവര്‍ നിശ്ചയിച്ച കാര്യം നിര്‍വ്വഹിക്കുകതന്നെ ചെയ്യും. തന്റെ ജീവിതം പൂര്‍ണ്ണമായും സംഘത്തിനുവേണ്ടി അര്‍പ്പിച്ചുകൊണ്ട് ഡോക്ടര്‍ജി ചെയ്തതും അതുതന്നെയാണ്.
സംഘസ്ഥാപനത്തിനുശേഷം, ആളുകള്‍ക്ക് സംഘത്തെക്കുറിച്ചുള്ള സംശയങ്ങള്‍ ദൂരീകരിക്കാനും സംഘപ്രവര്‍ത്തനത്തിന്റെ ആവശ്യകതയെക്കുറിച്ചു അവരെ യഥോചിതം പറ ഞ്ഞു മനസ്സിലാക്കാനും ആവശ്യമായ കാര്യങ്ങള്‍ ഡോക്ടര്‍ജിക്ക് സ്വയം ചെയ്യേണ്ടിവന്നു. ചിലര്‍ സംഘത്തെ മനസ്സിലാക്കാനുള്ള ആത്മാര്‍ത്ഥമായ ശ്രമത്തിന്റെ ഭാഗമായാണ് ചോദ്യങ്ങള്‍ ഉന്നയിച്ചതെങ്കില്‍ മറ്റു ചിലരുടെ ലക്ഷ്യം വിവാദങ്ങള്‍ അഴിച്ചുവിടുക എന്നതായിരുന്നു. ഡോക്ടര്‍ജിയാകട്ടെ, ശാന്തചിത്തനായി എല്ലാവരോ ടും സംസാരിക്കുകയും സംഘത്തിന്റെ ദൗത്യത്തെക്കുറിച്ച് അവരോട് വിവരിക്കുകയും ചെയ്തിരുന്നു. നാനാവിധമുള്ള ഇത്തരം സംശയങ്ങള്‍ ദൂരീകരിക്കുവാന്‍ അദ്ദേഹം വലിയ വലിയ പണ്ഡിതന്മാരുടെ കൃതികളെ ആശ്രയിക്കുകയോ ഉദ്ധരിക്കുകയോ ചെയ്തിരുന്നില്ല. സംശയങ്ങളെ തര്‍ക്കങ്ങള്‍ നിരത്തി പരിഹരിക്കുന്നതിനു പകരം തന്റെ ജീവിതസംഭവങ്ങളെ വിവരിച്ചുകൊണ്ട് അവയെ ദുരീകരിക്കാന്‍ പോന്ന അത്യന്തം വിപുലമായ അനുഭവസമ്പത്തുള്ള സ്വന്തം ജീവിതഗ്രന്ഥം അദ്ദേഹത്തിന്റെ പക്കലുണ്ടായിരുന്നു. സംഭവങ്ങള്‍ വിവരിക്കുന്ന അദ്ദേഹത്തിന്റെ ശൈലിയും അനുപമമായിരുന്നു. വ്യക്തികളുടെയും സ്ഥലങ്ങളുടെയും പേരുകള്‍, സമയം എന്നിങ്ങനെ ചെറിയ ചെറിയ കാര്യങ്ങളെക്കുറിച്ചുപോലും അദ്ദേഹം വര്‍ണ്ണിക്കുമ്പോള്‍ കേള്‍വിക്കാരനെ സംബന്ധിച്ച് രംഗം നേരിട്ടുകാണുന്ന അനുഭൂതിയായിരിക്കും ഉണ്ടാവുക എന്നതിനാല്‍ അവര്‍ക്ക് അത് അത്യന്തം ആകര്‍ഷകമായി തോന്നും. സ്വാനുഭവങ്ങളുടെ ഇത്രയും വിപുലമായ ഭണ്ഡാരം മറ്റാരുടെയെങ്കിലും പക്കലുണ്ടാവുമോ എന്ന് ഞാന്‍ സംശയിക്കുന്നു.
സാംസ്‌കൃതിക വിഷയങ്ങള്‍ തൊട്ട് വിദ്യാഭ്യാസമേഖല, ആരോഗ്യരംഗം വരെ പല വിഷയങ്ങളിലും സേവനം നല്‍കുവാന്‍ അദ്ദേഹത്തിന് പ്രത്യേക താല്‍പര്യം ഉണ്ടായിരുന്നു. എന്നാല്‍ ഇത്തരം കാര്യങ്ങളില്‍ ഒരു പരിഷ്‌ക്കാരമെന്ന നിലക്കോ പേരിനും പ്രശസ്തിക്കും വേണ്ടിയോ ഇടപെടുന്നവരെ കാണുമ്പോള്‍ അദ്ദേഹത്തിന് അതീവദുഃഖം തോന്നിയിരുന്നു. പേ രോ പ്രശസ്തിയോ ആഗ്രഹിക്കാതെ നിസ്വാര്‍ത്ഥഭാവത്തോടെ പ്രവര്‍ത്തിക്കുന്ന ഏതൊരു വ്യക്തിയോടും  ഡോക്ടര്‍ജിക്ക് വളരെയധികം ആദരവുണ്ടായിരുന്നു. എന്നാല്‍ നിര്‍ഭാഗ്യവശാല്‍ ഇത്തരം വ്യക്തികളും സ്ഥാപനങ്ങളും നമ്മുടെ നാട്ടില്‍ വളരെ വിരളമാണെന്ന് ഓര്‍ത്ത് അദ്ദേഹം അങ്ങേയറ്റം വിഷമിച്ചിരുന്നു. സദുദ്ദേശ്യത്തോടെ ആരംഭിച്ച സംരംഭങ്ങള്‍ കാ ലക്രമേണ സ്വാര്‍ത്ഥികളുടെ കൈകളില്‍ ചെന്നെത്തുമ്പോള്‍ ലക്ഷ്യബോധം നഷ്ടപ്പെട്ട് എങ്ങനെ നശിക്കാനിടവരുന്നു എന്നതിന്റെ ഉദാഹരണങ്ങള്‍ ആവര്‍ത്തിച്ച് ഞങ്ങളുടെ മുമ്പില്‍ നിരത്തി ഇത്തരം തിന്മകളില്‍ നിന്നും അകന്നുനില്‍ക്കാന്‍ സദാ ജാഗ്രത പുലര്‍ത്തണമെന്ന് അദ്ദേഹം ഇടയ്ക്കിടക്ക് പറയുമായിരുന്നു.

News Feed
Filed in

Participation in freedom struggle : Rakesh Sinha

Doctorji and Muslims: Yadava Rao Joshi

Related posts