3:11 pm - Wednesday November 23, 7414

പ്രഥമവര്‍ഷ സംഘ ശിക്ഷാവര്‍ഗ് കാഞ്ഞങ്ങാട്ട്; സ്വാഗത സംഘം രൂപീകരിച്ചു

രാഷ്ട്രീയ സ്വയംസേവക സംഘം കോഴിക്കോട് സംഭാഗിന്റെ പ്രഥമ വര്‍ഷ സംഘ ശിക്ഷാവര്‍ഗ്ഗിനു 15 വര്‍ഷങ്ങള്‍ക്കു ശേഷം ദുര്‍ഗ്ഗാ ഹയര്‍സെക്കണ്ടറി സ്‌കൂള്‍ ആതിഥ്യം വഹിക്കുന്നതിന്റെ ആവേശത്തിലാണ് കാഞ്ഞങ്ങാട് സംഘജില്ലയിലെ സ്വയംസേവകര്‍. ഇത് നാലാം തവണയാണ് ദുര്‍ഗ്ഗാ ഹയര്‍സെക്കണ്ടറി സ്‌കൂള്‍ ശിബിരത്തിനു ആതിഥ്യം വഹിക്കുന്നത്.  കാഞ്ഞങ്ങാട് നടന്ന  ശിബിരങ്ങളെല്ലാം തന്നെ ബഹുജനപങ്കാളിത്തം കൊണ്ടും ശിക്ഷാര്‍ത്ഥികളുടെ എണ്ണം കൊണ്ടും കേരളത്തിന്റെ സംഘചരിത്രത്തില്‍ സ്വര്‍ണ്ണലിപികളാല്‍ എഴുതപ്പെട്ടുവെന്നതിനാല്‍ തന്നെ ദുര്‍ഗ്ഗാ ഹയര്‍സെക്കണ്ടറി സ്‌കൂളില്‍ നടക്കുന്ന ശിബിരത്തെ വന്‍വിജയമാക്കാനുള്ള ശ്രമത്തിലാണ് സംഘപ്രവര്‍ത്തകര്‍. ഏപ്പ്രില്‍ 20 നു ആരംഭിക്കുന്ന ശിബിരം മെയ് 11 നു സമാപിക്കും. ശിബിരത്തിന്റെ നടത്തിപ്പിനായി വിപുലമായ സ്വാഗത സംഘം രൂപീകരിച്ചു.  മാര്‍ച്ച് 22 നു രാവിലെ കാഞ്ഞങ്ങാട് വ്യാപാരഭവനില്‍ നടന്ന സ്വാഗത സംഘരൂപീകരണ യോഗത്തില്‍ കാഞ്ഞങ്ങാട് നഗരത്തിലെ പ്രമുഖ വ്യക്തിത്വങ്ങള്‍ സംബന്ധിച്ചു.
സ്വാമി മുക്താനന്ദ (ആനന്ദാശ്രമം), സ്വാമി വിശ്വാനന്ദ സരസ്വതി(ചിന്മയ മിഷന്‍, നീലേശ്വരം), സ്വാമി പ്രേമാനന്ദ(ശിവഗിരി മഠം, തീര്‍ത്ഥങ്കര), സ്വാമി ബോധ ചൈതന്യ (ശ്രീ ശങ്കരം സനാതന ധര്‍മ്മ പഠന കേന്ദ്രം), മടിക്കൈ കമ്മാരന്‍ (ബി.ജെ.പി), കെ.വേണുഗോപാലന്‍ നമ്പ്യാര്‍ (മാനേജര്‍, DHSS), സി. ചന്ദ്രശേഖരന്‍ (കണ്ണൂര്‍ വിഭാഗ് സംഘചാലക്, ആര്‍.എസ്.എസ്), ബി. പാണ്ഡുരംഗ ഭക്ത(ഹോസ്ദുര്‍ഗ് താലൂക്ക് സംഘചാലക്, ആര്‍.എസ്.എസ്) എന്നിവര്‍ സ്വാഗത സംഘം രക്ഷാധികാരികളായിരിക്കും. കാഞ്ഞങ്ങാട് നഗരത്തിലെ വ്യാപാരപ്രമുഖന്‍ കെ. ഉമേഷ് കാമത്തിനെ സ്വാഗതസംഘം ചെയര്‍മാനായും ആര്‍.എസ്.എസ് കാഞ്ഞങ്ങാട് ജില്ലാ സംഘചാലക് പി. ഗോപാലകൃഷ്ണന്‍ മാസ്റ്ററെ സ്വാഗതസംഘം ജനറല്‍ കൺവീനറായും നിശ്ചയിച്ചു. രാഷ്ട്രീയ സ്വയംസേവക സംഘത്തിന്റെ കേരള സഹപ്രാന്തപ്രചാരക് എസ്. സുദര്‍ശനന്‍, കോഴിക്കോട് സംഭാഗ് കാര്യവാഹ് പി.പി സുരേഷ് ബാബു എന്നിവ൪ യോഗത്തില്‍ സംബന്ധിച്ചു. പി. ഗോപാലകൃഷ്ണന്‍ മാസ്റ്റര്‍ അദ്ധ്യക്ഷത വഹിച്ചു. എ. വേലായുധന്‍ സ്വാഗതവും കെ. ശ്രീജിത്ത് നന്ദിയും പറഞ്ഞു.

News Feed
Filed in

കൃഷ്‌ണ കൃപാസാഗരം

അടൽ ബിഹാരി വാജ്പേയിക്ക് ഭാരതരത്ന സമ്മാനിച്ചു.

Related posts