3:13 pm - Monday December 16, 2052

വ്യാജ വാര്‍ത്ത; സ്വദേശി ശാസ്ത്ര പ്രസ്ഥാനം എസ്പിക്ക് പരാതി നല്‍കി

കണ്ണൂര്‍:സ്വദേശി ശാസ്ത്രപ്രസ്ഥാനം കേരളയുടെ പേരില്‍ കളവായ കാര്യങ്ങള്‍ കാണിച്ച് നോട്ടീസ് തയ്യാറാക്കി മാധ്യമങ്ങള്‍ക്ക് ഉള്‍പ്പടെ വിതരണം ചെയ്തതുമായി ബന്ധപ്പെട്ട് കണ്ണൂര്‍ എസ്പിക്ക് രേഖാമൂലം പരാതി നല്‍കിയതായി സംസ്ഥാന സംഘടനാ സെക്രട്ടറി പി.ബി.ഷനോജ് പത്രസമ്മേളനത്തില്‍ അറിയിച്ചു.

2015 ഡിസംബര്‍ 30 ന് ഒരു സ്വകാര്യചാനലില്‍ എഡിറ്റേഴ്‌സ് അവര്‍ എന്ന പരിപാടിയില്‍ ദേശാഭിമാനി പത്രത്തിന്റെ അസോസിയേറ്റ് എഡിറ്റര്‍ പി.എം.മനോജ് കണ്ണൂരിലെ സിപിഎം- ആര്‍എസ്എസ് സംഘര്‍ഷങ്ങളില്‍ സ്വയംസേവകരെ സഹായിക്കാനായി ദേശീയതലത്തില്‍ നിന്നും സംസ്ഥാനതലത്തിലേക്ക് വന്‍തുക പിരിച്ചെടുത്തതായും ഇത് സ്വയംസേവകര്‍ക്കോ അവരുടെ കുടുംബാംഗങ്ങള്‍ക്കോ കൊടുക്കാതെ നേതാക്കള്‍ വീതിച്ചെടുത്തുവെന്നും ആരോപണം ഉന്നയിക്കുകയുണ്ടയി.

കൂടാതെ 21.11.2015, 02.1.2016 എന്നീ തിയ്യതികളില്‍ ദേശാഭിമാനി പത്രത്തില്‍ പ്രസിദ്ധീകരിച്ച ‘സമാധാനമല്ല സംഘര്‍ഷമാണ് വേണ്ടതെന്ന് മോഹന്‍ ഭാഗവത്’, കുടുംബസഹായം നേതാക്കള്‍ തട്ടി ആര്‍എസ്എസ് കൂട്ടക്കുഴപ്പത്തിലേക്ക്’ എന്നീ വാര്‍ത്തകള്‍ പ്രചരിപ്പിക്കുകയുണ്ടായി. പ്രസ്തുത വാര്‍ത്തക്കെതിരെ ആര്‍എസ്എസ് ഭാരവാഹികള്‍ പി.എം. മനോജിനെതിരെ നോട്ടീസ് അയച്ച് നിയമ നടപടികള്‍ ആരംഭിച്ചിട്ടുണ്ട്.

sodeshi

കൂടാതെ ദേശാഭിമാനി പത്രത്തിനെതിരെ പ്രസ്സ് കൗണ്‍സിലിന് പരാതി നല്‍കുകയും ചെയ്തിട്ടുണ്ട്. സ്വദേശി സയന്‍സ് മൂവ്‌മെന്റിന്റെ പേരില്‍ 29.12.2016 തിയ്യതി വെച്ച് തയ്യാറാക്കിയ രണ്ട് പേജ് വരുന്ന ഒരു നോട്ടീസ് ആളുടെ പേരോ ഒപ്പോ ഇല്ലാതെ തെറ്റായ കാര്യങ്ങള്‍ ഉള്‍പ്പെടുത്തിക്കൊണ്ട് പ്രചരിപ്പിക്കുന്നത് ശ്രദ്ധയില്‍പ്പെട്ടതായും പരാതിയില്‍ പറയുന്നു. പ്രസ്തുത നോട്ടീസും പരാതിയോടൊപ്പം എസ്പിക്ക് സമര്‍പ്പിച്ചിട്ടുണ്ട്. നോട്ടീസില്‍ ആര്‍എസ്എസ്, ബിജെപി നേതൃത്വത്തിനെതിരെ പറഞ്ഞത് വസ്തുതകള്‍ക്ക് നിരക്കാത്തതാണെന്നും പരാതിയില്‍ ചൂണ്ടിക്കാട്ടിയിട്ടുണ്ട്.

നോട്ടീസില്‍ പറഞ്ഞത് പ്രകാരം സ്വദേശി ശാസ്ത്ര പ്രസ്ഥാനം സര്‍സംഘചാലകന് റിപ്പോര്‍ട്ട് സമര്‍പ്പിക്കുകയോ ഇത്തരത്തില്‍ നോട്ടീസ് തയ്യാറാക്കി പ്രചരിപ്പിക്കാന്‍ ആര്‍ക്കും അനുമതി നല്‍കുകയോ ചെയ്തിട്ടില്ല. വ്യാജ നോട്ടീസിന് പിന്നില്‍ പി.എം.മനോജും സിപിഎമ്മിന്റെ ഇപ്പോഴത്തെ നേതാവായ സുധീഷ് മിന്നി എന്നയാളാണെന്നും ഇവര്‍ക്കെതിരെ നടപടി സ്വീകരിക്കണമെന്ന് പരാതിയില്‍ ചൂണ്ടിക്കാട്ടിയതായും ഷനോജ് പറഞ്ഞു. സ്വദേശി ശാസ്ത്ര പ്രസ്ഥാനം സംസ്ഥാന സെക്രട്ടറി ഡോ.കെ.മുരളീധരന്‍, വിജ്ഞാന്‍ ഭാരതി ദേശീയ സെക്രട്ടറി വിവേകാനന്ദപൈ എന്നിവരും പത്രസമ്മേളനത്തില്‍ പങ്കെടുത്തു.

പരാതിയുടെ പൂര്‍ണ രൂപം

Download (PDF, 69KB)

News Feed
Filed in

Mahasamadhi of Srimad Sudheendra Tirtha Swamiji has been a great loss to the Hindu society : RSS

Vishwesha Tirtha Swami of Pejawar Mutt ascends Paryaya Peetha for the fifth time

Related posts