ന്യൂദല്ഹി: ‘വികസിത് ഭാരത്’ വെറുമൊരു മുദ്രാവാക്യമല്ലെന്നും ഇന്ത്യയുടെ ഭാവിയിലേക്കുള്ള ഗൗരവമായ പ്രതിബദ്ധതയാണെന്നും വിദേശകാര്യ മന്ത്രി എസ് ജയശങ്കര്. ന്യൂദല്ഹി ഹന്സ്രാജ് കോളേജില് പ്രഭാഷണം നടത്തവെയാണ് അദ്ദേഹം ഇക്കാര്യം പറഞ്ഞത്.
വികസിത് ഭാരത്’ എന്നതിന്റെ ഗുരുത്വാകര്ഷണം മനസ്സിലാക്കാന് സദസ്സിനോട് ആഹ്വാനം ചെയ്തുകൊണ്ടാണ് ജയശങ്കര് തന്റെ പ്രസംഗം ആരംഭിച്ചത്, ദയവായി ഇതൊരു മുദ്രാവാക്യമാണെന്ന് കരുതരുത്. ഞങ്ങള് സംസാരിക്കുന്നത് വളരെ ഗൗരവമുള്ള കാര്യമാണ്.
ഞങ്ങള് എല്ലാവരുടെയും ഭാവിയെ കുറിച്ചാണ് ചിന്തിക്കുന്നത്. നിങ്ങളുടെ ഭാവിയെ കുറിച്ചാണ് ഞങ്ങള് സംസാരിക്കുന്നത്. നമ്മുടെ അമൃത കാലം, വികസിത ഭാരതിലേക്കുള്ള നമ്മുടെ യാത്ര എന്നത് അടുത്ത 25 വര്ഷങ്ങളിലെ പ്രവര്ത്തനമാണെന്നും അദേഹം പറഞ്ഞു. നമ്മള് വളരെ വലിയ ഒരു പ്രവര്ത്തനത്തിന്റെ ഘട്ടത്തിലാണെന്ന് എനിക്ക് ഇന്ന് തോന്നുന്നു.
ലോകവും നമ്മളെ നിരീക്ഷിക്കുന്നുണ്ട്. ഈ 25 വര്ഷത്തെ പുതിയ അവസരങ്ങളുടെയും പുതിയ സാങ്കേതികവിദ്യകളുടെയും പുതിയ വെല്ലുവിളികളുടെയും കാലഘട്ടമായാണ് ഞാന് കാണുന്നതെന്നും അദേഹം പറഞ്ഞു.
സാങ്കേതികവിദ്യയുടെ പരിവര്ത്തന സാധ്യതകളെ കുറിച്ച് ചര്ച്ച ചെയ്തുകൊണ്ട് ജയശങ്കര് എടുത്തുപറഞ്ഞു, കൃത്രിമ ബുദ്ധി (എഐ) നമ്മുടെ ജീവിതത്തെ മാറ്റിമറിക്കും. സമ്പത്തിക രംഗത്തും ഭാരതത്തില് വലിയ കുത്തിപ്പാണ് രേഖപ്പെടുത്താന് പോകുന്നതെന്നും അദേഹം പറഞ്ഞു.
