“വളരെ കഴിവുള്ള നടനും നമ്മുടെ തെലുങ്ക് സിനിമയുടെ രത്നവുമായ ജൂനിയർ എൻടിആറുമായി ഹൈദരാബാദിൽ.” – ജൂനിയർ എൻടിആറിനെ പ്രശംസിച്ചുകൊണ്ട് അമിത് ഷാ ട്വിറ്ററിൽ കുറിച്ചു.
ഹൈദരാബാദ്: തെലുങ്ക് സിനിമയുടെ രത്നമാണ് ജൂനിയർ എൻടിആറെന്ന് ആഭ്യന്തരമന്ത്രി അമിത് ഷാ. ഓഗസ്റ്റ് 21 ഞായറാഴ്ച, അമിത് ഷാ ഹൈദരാബാദിൽ ജൂനിയർ എൻടിആറുമായി കൂടിക്കാഴ്ച നടത്തി. ഇരുവരുടെയും കൂടിക്കാഴ്ചയിൽ നിന്നുള്ള ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.
അമിത് ഷായും ജൂനിയർ എൻടിആറും ഹസ്തദാനം ചെയ്യുന്നതാണ് ചിത്രങ്ങളിൽ കാണുന്നത്. ഒരു ഹോട്ടലിൽ വച്ചാണ് കൂടിക്കാഴ്ച നടന്നതെന്നാണ് റിപ്പോർട്ടുകൾ. തെലങ്കാനയിൽ മുനുഗോഡുവിൽ നടക്കാനിരുന്ന പൊതുയോഗത്തിനെത്തിയതായിരുന്നു അമിത് ഷാ.
