കോട്ടയം:- നവരാത്രി മഹോത്സവത്തോടനുബന്ധിച്ച് ഒക്ടോബർ 2 പൂജവയ്പ്പ് ദിനം ആണെന്നിരിക്കെ ഒക്ടോബർ 3 അധ്യായന ദിനം ആക്കിയ വിദ്യാഭ്യാസ വകുപ്പിൻ്റെ തീരുമാനം പിൻവലിക്കണമെന്ന് ഹിന്ദു ഐക്യവേദി ആവശ്യപ്പെട്ടു.
ഒക്ടോബർ രണ്ടാം തീയതി പൂജയ്ക്ക് വെച്ചതിനുശേഷം ഒക്ടോബർ 3,4 തീയതികളിൽ നടക്കുന്ന പൂജയ്ക്ക് ശേഷം അഞ്ചാം തീയതിയാണ് പൂജയെടുപ്പും, വിദ്യാരംഭവും നടക്കുന്നത്.
പൂജയ്ക്ക് വയ്ക്കുന്ന ദിവസങ്ങളായ ദുർഗാഷ്ടമി, മഹാനവമി ദിനങ്ങൾ സനാതന ധർമ്മ വിശ്വാസികൾക്ക് പ്രധാനവും, പഠനം സാധ്യമല്ലാത്ത ദിനവും, നിഷിദ്ധവും ആണെന്നതിനാൽ ഒക്ടോബർ 3 പ്രവർത്തി ദിനം ആക്കിയ സർക്കാർ നടപടി ഹിന്ദു വിരുദ്ധവും, ആചരണ ലംഘനവും ആണ്.
സർക്കാർ തുടർന്നുവരുന്ന ഹിന്ദുവിരുദ്ധ നിലപാടുകളുടെ തുടർച്ചയാണ് പൂജവയ്പ്പ് ദിനം അധ്യയനദിനം ആക്കിയ നടപടിയെന്ന് ആരോപിച്ചു.
കേരളീയ സമൂഹം വളരെ പ്രാധാന്യത്തോടെ ആചരിച്ചുവരുന്ന പൂജവെപ്പ്, വിദ്യാരംഭം, നവരാത്രി ആഘോഷങ്ങൾ അവധി ദിനം ആക്കാത്ത സർക്കാർ, ഹൈന്ദവ ആഘോഷ ദിനങ്ങളായ ഓണം, ദീപാവലി, ശിവരാത്രി ദിനങ്ങളും പ്രവർത്തി ദിനങ്ങൾ ആക്കി ഹിന്ദുക്കളെ അവഹേളിച്ചിരുന്നു.
സർക്കാരിൻ്റെ ഹിന്ദു വിരുദ്ധ നിലപാടുകൾ തുടരുന്ന പക്ഷം ശക്തമായ പ്രതിഷേധം ഹിന്ദു ഐക്യവേദി യുടെ നേതൃത്വത്തിൽ സംഘടിപ്പിക്കുമെന്ന് മുന്നറിയിപ്പു നൽകി.
Discussion about this post