അഹമ്മദാബാദ്: ആര്എസ്എസ് അഖില ഭാരതീയ പ്രതിനിധി സഭയ്ക്ക് കര്ണാവതിയില് തുടക്കമായി. സര്സംഘചാലക് ഡോ. മോഹന് ഭാഗവത്, സര്കാര്യവാഹ് ദത്താത്രേയ ഹൊസബാളെ എന്നിവര് ഭാരത മാതാവിന്റെ ഛായാചിത്രത്തിന് മുമ്പില് പുഷ്പാര്ച്ചന ചെയ്ത് സഭയ്ക്ക് തുടക്കം കുറിച്ചു. വിശ്രുത ഗായിക ലതാമങ്കേഷ്കര്, സംയുക്തസേനാമേധാവി ജനറല് ബിപിന് റാവത്ത്, ബാബാ സാഹിബ് പുരന്ദരെ, രാഹുല് ബജാജ്, പണ്ഡിറ്റ് ബിര്ജു മഹാരാജ്, പി. ശ്രീനിവാസ രാമാനുജാചാര്യ സ്വാമി തുടങ്ങിയ പ്രമുഖര്ക്ക് ശ്രദ്ധാഞ്ജലി അര്പ്പിച്ചാണ് പ്രതിനിധിസഭ ആരംഭിച്ചത്. കേരളത്തില് നിന്ന് സ്വാമി വേദാനന്ദ സരസ്വതി, ചരിത്രകാരന് എം. ഗംഗാധരന്, ഗാനരചയിതാവ് ബിച്ചു തിരുമല, കോണ്ഗ്രസ് നേതാവ് പി.ടി. തോമസ്, പോപ്പുലര്ഫ്രണ്ട് ഭീകരര് കൊലപ്പെടുത്തിയ ഒബിസി മോര്ച്ച നേതാവ് അഡ്വ. രണ്ജീത് ശ്രീനിവാസന്, പ്രൊഫ. പി.സി. കൃഷ്ണവര്മ്മ രാജ, പി.കെ. നാരായണന് തുങ്ങിയവര്ക്കും പ്രതിനിധി സഭ ശ്രദ്ധാഞ്ജലി അര്പ്പിച്ചു.
രണ്ട് വര്ഷത്തിനിടയില് കൊവിഡ് പ്രതിസന്ധിക്കിടയിലും രാജ്യത്ത് ആര്എസ്എസ് പ്രവര്ത്തനത്തിലേക്ക് കൂടുതല് യുവാക്കള് ആകൃഷ്ടരാകുന്നുവെന്ന് സര്കാര്യവാഹ് ദത്താത്രേയ ഹൊസബാളെ അവതരിപ്പിച്ച വാര്ഷികറിപ്പോര്ട്ടിനെ ഉദ്ധരിച്ച് സഹസര്കാര്യവാഹ് ഡോ. മന്മോഹന് വൈദ്യ വാര്ത്താസമ്മേളനത്തില് പറഞ്ഞു.
രണ്ട് വര്ഷമായി തുടരുന്ന കൊവിഡ് പ്രതിസന്ധികള്ക്കിടയിലും, ആര്എസ്എസ് ശാഖകളുടെ എണ്ണത്തിലും നിത്യപ്രവര്ത്തനത്തിലും കാര്യമായ വര്ധനവാണുണ്ടായത്.. 2020നെ അപേക്ഷിച്ച് 98.6 ശതമാനം പ്രവര്ത്തനങ്ങളും പുനരാരംഭിച്ചു. സാപ്താഹിക് മിലനുകളുടെ(പ്രതിവാര ശാഖകള്) എണ്ണത്തിലും വര്ധനവുണ്ട്. നിത്യം നടക്കുന്നവയില് 61 ശതമാനവും വിദ്യാര്ത്ഥി ശാഖകളാണ്. ശേഷിക്കുന്ന 39 ശതമാനം വ്യവസായി ശാഖകളും. രാജ്യത്തൊട്ടാകെയുള്ള 6506 ഖണ്ഡുകളില് 84 ശതമാനത്തിലും ശാഖകളുണ്ട്. 59,000 മണ്ഡലങ്ങളില്, 41 ശതമാനം മണ്ഡലങ്ങളില് നേരിട്ടുള്ള ശാഖാപ്രവര്ത്തനം നടക്കുന്നു.
2303 നഗരങ്ങളില് 94 ശതമാനത്തിലും ശാഖാ പ്രവര്ത്തനം നടക്കുന്നു, വരുന്ന രണ്ട് വര്ഷത്തിനുള്ളില് എല്ലാ മണ്ഡലങ്ങളിലും ശാഖകളുണ്ടാകും. 2017 മുതല് 2021 വരെ, ഓരോവര്ഷവും 20നും 35നും ഇടയില് പ്രായമുള്ള ഒരു ലക്ഷം മുതല് ഒന്നേകാല് ലക്ഷം വരെ യുവാക്കള് ആര്എസ്എസ് വെബ്സൈറ്റില് ‘ജോയിന് ആര്എസ്എസ’് വഴി രജിസ്റ്റര് ചെയ്തു. ഏപ്രില് 15 മുതല് ജൂലൈ പകുതി വരെ രാജ്യത്ത് 104 കേന്ദ്രങ്ങളില് സംഘ ശിക്ഷാ വര്ഗുകള് നടക്കും, ഓരോ വര്ഗിലും ശരാശരി 300 പേര് പങ്കെടുക്കും.
കൊവിഡ് കാലത്ത്, 5.50 ലക്ഷം പ്രവര്ത്തകര് സേവനരംഗത്ത് സജീവമായി. ആശ്രമങ്ങളും ക്ഷേത്രങ്ങളും ഗുരുദ്വാരകളും സേവന പ്രവര്ത്തനങ്ങള്ക്കായി സജ്ജരായി ഇറങ്ങിയത് ഇത് ജാഗ്രതയുള്ള രാഷ്ട്രമാണെന്നതിന്റെ ലക്ഷണമാണെന്ന് മന്മോഹന് വൈദ്യ ചൂണ്ടിക്കാട്ടി.
കുടുംബപ്രബോധനം, ഗോസേവ, ഗ്രാമവികാസം തുടങ്ങിയ മേഖലകളിലും കാര്യമായ പ്രവര്ത്തനങ്ങള് നടത്താന് കഴിഞ്ഞിട്ടുണ്ട്. കൂടുതല് സജ്ജരായി കൂടുതല് സമയം ചെലവഴിച്ച് എല്ലാ പ്രവര്ത്തകരും പ്രവര്ത്തനസജ്ജരാകണമെന്ന് അദ്ദേഹം ആഹ്വാനം ചെയ്തു. പത്രസമ്മേളനത്തില് അഖിലഭാരതീയ പ്രചാര് പ്രമുഖ് സുനില് അംബേക്കര്, സഹ പ്രചാര് പ്രമുഖുമാരായ നരേന്ദ്രകുമാര്, അലോക്കുമാര് എന്നിവരും പങ്കെടുത്തു.
