ന്യൂഡൽഹി: ഡോ. എപിജെ അബ്ദുല് കലാം സാങ്കേതിക സര്വകലാശാല വൈസ് ചാന്സലര് നിയമനം റദ്ദാക്കി. ഡോ. രാജശ്രീ എം എസിനെ നിയമിച്ച നടപടിയാണ് സുപ്രീംകോടതി റദ്ദാക്കിയത്. നിയമനം യുജിസി ചട്ടപ്രകാരമല്ലെന്ന ഹര്ജിയിലാണ് ജസ്റ്റിസ് എം ആര് ഷാ അധ്യക്ഷനായ ബെഞ്ചിന്റെ ഉത്തരവ്.
കെ ടി യു വൈസ് ചാന്സലറായി ഡോ. എം എസ് രാജശ്രീയെ നിയമിച്ചത് ചോദ്യം ചെയ്ത് കൊച്ചി ശാസ്ത്ര സാങ്കേതിക സര്വകലാശാല മുന് ഡീന് പി എസ് ശ്രീജിത്താണ് കോടതിയെ സമീപിച്ചത്. സാങ്കേതിക സര്വകലാശാല വിസിയായി ഡോ. എം എസ് രാജശ്രീയെ നിയമിച്ചത് യു ജി സി ചട്ടപ്രകാരമല്ലെന്ന് സുപ്രീംകോടതി നേരത്തെ നിരീക്ഷിച്ചിരുന്നു. നിയമനത്തിന് ചാന്സലര്ക്ക് പാനല് കൈമാറുന്നതിന് പകരം ഒരു വ്യക്തിയുടെ പേര് മാത്രമാണ് കൈമാറിയതെന്ന് കോടതി വ്യക്തമാക്കി.
സാങ്കേതിക സര്വകലാശാല നിയമനം റദ്ദാക്കിയ സുപ്രീം കോടതി വിധി സര്ക്കാരിനേറ്റ കനത്ത തിരിച്ചടിയെന്ന് വി ഡി സതീശന് പ്രതികരിച്ചു. കണ്ണൂര് വിസി പുനര് നിയമനവും ഇതേ രീതിയിലാണെന്നും സതീശന് ആരോപിച്ചു. അധ്യാപക നിയമനങ്ങളില് വിസിമാരെ സര്ക്കാര് പാവകളാക്കുന്നുവെന്നും ഉന്നത വിദ്യാഭ്യാസം തകര്ക്കുന്ന സമീപനമാണ് സര്ക്കാരിന്റേതെന്നും സതീശന് കുറ്റപ്പെടുത്തി.അതേസമയം, വിധിയുടെ വിശദാംശങ്ങള് അറിഞ്ഞ ശേഷം പ്രതികരിക്കാമെന്ന് ഡോ. രാജശ്രീ പറഞ്ഞു.
![{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://vskkerala.com/wp-content/uploads/2026/04/picsart_26-04-08_15-50-15-999-120x86.webp)
Discussion about this post