കാഠ്മണ്ഡു: ലോകപ്രശസ്തമായ മുക്തിനാഥ് ക്ഷേത്ര പരിസരത്ത് ഇനി ‘ബിപിന് ബെല്’ മുഴങ്ങും. ഇന്ത്യയുടെ പ്രഥമ സംയുക്ത സേനാ മേധാവി ജനറല് ബിപിന് റാവത്തിന്റെ ഓര്മ്മയ്ക്കായി നേപ്പാളിലെ ശ്രീ മുക്തിനാഥ് ക്ഷേത്രത്തില് മണി സ്ഥാപിച്ചു. മുന് ഇന്ത്യന് സൈനിക മേധാവികളായ ജനറല് വി.എന്. ശര്മ്മ, ജനറല് ജെ.ജെ. സിങ്, ജനറല് ദീപക് കപൂര്, ജനറല് ദല്ബീര് സുഹാഗ് എന്നിവരുടെ സന്ദര്ശന വേളയിലാണ് കൂറ്റന് മണി സമര്പ്പിച്ചത്. മുസ്താങ് ജില്ലയിലെ മുക്തിനാഥ് ക്ഷേത്രത്തില് സ്ഥാപിച്ച മണിക്ക് ബിപിന് ബെല്’ എന്നാണ് പേരിട്ടിരിക്കുന്നത്.
ഗൂര്ഖ റെജിമെന്റിലെ ഉദ്യോഗസ്ഥനെന്ന നിലയില് നേപ്പാളുമായും അവിടുത്തെ ജനങ്ങളുമായും റാവത്തിന് ആഴത്തിലുള്ള ബന്ധമുണ്ടായിരുന്നു. നേപ്പാള് സൈനിക മേധാവി രാജേന്ദ്ര ഛേത്രിയുടെ ക്ഷണപ്രകാരം അവിടം സന്ദര്ശിച്ചപ്പോഴാണ് റാവത്തിന് നേപ്പാളി ആര്മിയുടെ ഓണററി ജനറല് പദവി ലഭിച്ചത്.
പ്രധാനമന്ത്രി നരേന്ദ്ര മോദി 2018ല് നേപ്പാള് സന്ദര്ശിച്ചപ്പോള് മുക്തിനാഥിലെത്തിയിരുന്നു. ആയിരക്കണക്കിന് ഭാരതീയ തീര്ത്ഥാടകര് എല്ലാ വര്ഷവും മുക്തിനാഥ് സന്ദര്ശിക്കാറുണ്ട്.
260-ാമത് നേപ്പാളി ആര്മി ദിനാഘോഷത്തില് പങ്കെടുക്കാനാണ് ഇന്ത്യന് കരസേനയുടെ മുന് മേധാവികള് കാഠ്മണ്ഡുവിലെത്തിയത്.
![{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://vskkerala.com/wp-content/uploads/2026/04/picsart_26-04-08_15-50-15-999-120x86.webp)
Discussion about this post