ന്യൂഡൽഹി: 2047-ടെ വികസിത രാഷ്ട്രമാകുകയെന്ന ലക്ഷ്യം കൈവരിക്കാൻ സാങ്കേതികവിദ്യ ഇന്ത്യയെ സഹായിക്കുമെന്ന് പ്രധാനമന്ത്രി നരേന്ദ്ര മോദി. ഡിജിറ്റൽ വിപ്ലവത്തിന്റെ പ്രയോജനങ്ങൾ എല്ലാ പൗരന്മാരിലേക്കും എത്തിക്കുമെന്നും അദ്ദേഹം വ്യക്തമാക്കി.
അൺലീഷിംഗ് ദ പൊട്ടൻഷ്യൽ: ഈസ് ഓഫ് ലിവിംഗ് യൂസിങ് ടെക്നോളജി എന്ന വിഷയത്തിലെ വെബിനാറിനെ അഭിസംബോധന ചെയ്ത് സംസാരിക്കുകയായിരുന്നു പ്രധാനമന്ത്രി. ഇന്ത്യ ആധുനിക ഡിജിറ്റൽ സൗകര്യങ്ങൾ സൃഷ്ടിക്കുകയാണ്. ഡിജിറ്റൽ വിപ്ലവത്തിന്റെ നേട്ടങ്ങൾ എല്ലാവരിലും എത്തുന്നതായി ഉറപ്പാക്കുമെന്നും അദ്ദേഹം പറഞ്ഞു.
5ജി, എഐ പോലുള്ള സാങ്കേതികവിദ്യകൾ ഇന്ന ചൂടുള്ള ചർച്ചയാണ്. വിദ്യാഭ്യാസം, കൃഷി തുടങ്ങി നിരവധി മേഖലകളിൽ മാറ്റം കൊണ്ടുവരാൻ സാങ്കേതിക വിദ്യക്ക് സാധിക്കുമെന്നും അദ്ദേഹം പറഞ്ഞു. സാധാരണക്കാർ നേരിടുന്ന 10 പ്രശന മേഖലകളെ കണ്ടെത്തണമെന്നും അദ്ദേഹം കൂട്ടിച്ചേർത്തു.
