ജനുവരി 22 ന് രാജ്യം മുഴുവൻ ഒറ്റക്കെട്ടായി മാറി : മോഹൻ ഭഗവത് 

മുംബൈ: അയോധ്യ ക്ഷേത്രത്തിൽ ശ്രീരാമന്റെ വിഗ്രഹം പ്രതിഷ്ഠിച്ച ജനുവരി 22 ന് രാജ്യം മുഴുവൻ ഒറ്റക്കെട്ടായി നിന്നുവെന്ന് ആർഎസ്എസ് സർസംഘചാലക് മോഹൻ ഭഗവത് പറഞ്ഞു. മഹാരാഷ്‌ട്രയിലെ ലാത്തൂർ നഗരത്തിലെ വിവേകാനന്ദ് മെഡിക്കൽ ഫൗണ്ടേഷൻ ആൻഡ് റിസർച്ച് സെൻ്ററിന്റെ ത്രിതീയ കാൻസർ കെയർ ഫെസിലിറ്റി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

“ഹിന്ദുക്കളുടെ ഐക്യം കൈവരിക്കുക എന്നത് ഒരു ഭാരിച്ച കടമയാണെന്ന് ഞങ്ങളുടെ പ്രവർത്തകർ പറയാറുണ്ടായിരുന്നു, പ്രധാനമായും ജാതി പോലുള്ള ഘടകങ്ങൾ ഇതിൽ ഉൾപ്പെടുന്നു എന്നാൽ ജനുവരി 22ന് രാവിലെ 11 മുതൽ ഉച്ചയ്‌ക്ക് 12.30 വരെ രാജ്യം മുഴുവൻ ഒറ്റക്കെട്ടായി നിന്നെന്നും അദ്ദേഹം പറഞ്ഞു.

കേന്ദ്ര ആരോഗ്യമന്ത്രി മൻസുഖ് മാണ്ഡവ്യ, പത്മഭൂഷൺ അവാർഡ് ജേതാവ് അശോക് കുക്‌ഡെ തുടങ്ങിയവർ ചടങ്ങിൽ പങ്കെടുത്തു.