ന്യൂദല്ഹി: നിയമസഭ പാസാക്കുന്ന ബില്ലുകള്ക്ക് അനുമതി വൈകുന്നുവെന്ന് കാട്ടി രാഷ്ട്രപതിക്കെതിരെ സുപ്രിംകോടതിയില് കേരളത്തിന്റെ ഹര്ജി. ഗവര്ണര് ആരിഫ് മുഹമ്മദ് ഖാനെയും എതിര്കക്ഷിയാക്കിയിട്ടുണ്ട്.സംസ്ഥാനത്തിന്റെ നിയമനിര്മാണ അവകാശത്തെ തടസപ്പെടുത്തും വിധമുള്ള ഇടപെടല് ഉണ്ടാകുന്നുവെന്ന ആക്ഷേപം ഉന്നയിക്കാനാണ് നീക്കം.
രാഷ്ടപതിയുടെ പക്കല് ഉളള ചില ബില്ലുകള് ഉചിത സമയത്ത് അംഗീകാരം നല്കി മടക്കി ലഭിക്കുന്നില്ല.വര്ഷങ്ങളോളം ഗവര്ണര് വൈകിപ്പിച്ച ബില്ലുകളാണിത്. ഈ ബില്ലുകളില് തീരുമാനം സമയബന്ധിതമായി വേണ്ടതുണ്ട്. അതിനാല് കോടതി ഇടപെടണമെന്നും ബില്ലുമായി ബന്ധപ്പെട്ട നടപടിക്രമങ്ങള് പൂര്ത്തിയാക്കാന് നിര്ദേശിക്കണമെന്നുമാണ് കേരളം ആവശ്യപ്പെടുന്നത്.
നിയമോപദേശം തേടിയ ശേഷമാണ് കേരളത്തിന്റെ ഹര്ജി. ബില്ലുകള് ഒപ്പിടാതെ പിടിച്ചുവച്ചിരിക്കുന്നെന്ന് കാട്ടി ഗവര്ണര്ക്കെതിരെ സര്ക്കാര് സുപ്രിംകോടതിലെത്തിയപ്പോള് ഏഴ് ബില്ലുകള് ഗവര്ണര് രാഷ്ട്രപതിക്ക് അയച്ചു. ഇതില് ലോകായുക്ത ബില്ലുകള്ക്ക് രാഷ്ട്രപതി അംഗീകാരം നല്കി. നാല് ബില്ലുകള്ക്ക് അനുമതി നിഷേധിച്ചു. രണ്ട് ബില്ലുകളില് തീരുമാനം വരാനുമുണ്ട്.
സര്വകലാശാലകളില് ഗവര്ണറുടെ ചന്സലര് പദവി എടുത്ത് കളയാനും വൈസ് ചാന്സലര് നിയമനത്തിനുള്ള സെര്ച്ച് കമ്മിറ്റി വിപുലീകരിക്കാനും ഗവര്ണറെ ഒഴിവാക്കി സര്വകലാശാല അപ്പലേറ്റ് ട്രൈബ്യൂണലിനെ സര്ക്കാരിന് നിയമിക്കാനുമുളള ബില്ലുകള്ക്ക് രാഷ്ട്രപതി അനുമതി നല്കിയിട്ടില്ല. നാമനിര്ദ്ദേശം ചെയ്യപ്പെട്ട അംഗങ്ങള്ക്ക് വോട്ടവകാശം അനുവദിച്ച് മില്മയുടെ ഭരണം പിടിക്കാനുമുള്ള ബില്ലിനും രാഷ്ട്രപതി അനുമതി നല്കിയിട്ടില്ല.
Discussion about this post