നാഗ്പൂർ: ബിഹാർ മുൻ ഉപമുഖ്യമന്ത്രിയും എംഎൽഎയുമായ സുശീൽ കുമാർ മോദിയുടെ ആകസ്മിക നിര്യാണം വേദനാ ജനകമാണെന്ന് ആർഎസ്എസ് സർസംഘചാലക് ഡോ. മോഹൻ ഭാഗവതും സർകാര്യവാഹ് ദത്താത്രേയ ഹൊസബാളെയും അനുസ്മരണ സന്ദേശത്തിൽ ചൂണ്ടിക്കാട്ടി. അദ്ദേഹം നിഷ്ഠാവാനായ സ്വയംസേവകനായിരുന്നു. എ ബി വി പി ദേശീയ ജനറൽ സെക്രട്ടറി എന്ന നിലയിലും അദ്ദേഹം പ്രവർത്തിച്ചു. സമൂഹത്തോട് കരുതലുള്ള നേതാവിനെയാണ് നഷ്ടമായത്. സൈദ്ധാന്തിക തലത്തിലും പ്രായോഗിക ജീവിതത്തിലും ആദർശം കൈവിടാത്ത രാഷ്ട്രീയ പ്രവർത്തകനായിരുന്നു അദ്ദേഹം . സുശീൽ മോദിയുടെ വിയോഗത്തിൽ കുടുംബത്തിനും സമാജത്തിനുമുള്ള സങ്കടത്തിൽ പങ്കുചേരുന്നു. ഈ വേദന തരണം ചെയ്യാനുള്ള കരുത്ത് എല്ലാവർക്കും ഉണ്ടാകാൻ പ്രാർത്ഥിക്കുന്നു, അനുസ്മരണ സന്ദേശത്തിൽ പറയുന്നു.
