ലക്നൗ: ഈ വർഷത്തെ ദീപോത്സവത്തിൽ അയോദ്ധ്യയിലെ പുണ്യഭൂമിയിൽ തെളിയുന്നത് 25 ലക്ഷം ദീപങ്ങൾ. പ്രാണ പ്രതിഷ്ഠയ്ക്ക് ശേഷമുള്ള ആദ്യ ദീപോത്സവം ആഘോഷമാക്കാനുള്ള തയ്യാറെടുപ്പിലാണ് ഉത്തർപ്രദേശ് സർക്കാർ. ഒക്ടോബർ 28-നാണ് നാല് ദിവസത്തെ ദീപോത്സവം ആരംഭിക്കുന്നത്.
ഭക്തിയും സന്തോഷവും നിറയുന്ന ദിവസങ്ങളിൽ രാം കി പെയ്ഡിയിലും നയാഘട്ടിലും ഉൾപ്പടെ വിവിധ ഘട്ടുകളിലായി 25 ലക്ഷത്തിലേറെ ദീപങ്ങളാകും തെളിയുക. പ്രധാന ക്ഷേത്രങ്ങൾ ഉൾപ്പടെ അയോദ്ധ്യധാം മുഴുവൻ അലങ്കരിക്കും. നഗരത്തിലെ 500-ലധികം പ്രധാന സ്ഥലങ്ങളിൽ പ്രത്യേക ലൈറ്റുകളാൽ അലങ്കരിക്കും. അയോധ്യയിലുടനീളം 20 കലാപരമായ ഇൻസ്റ്റാളേഷനുകൾ സ്ഥാപിക്കും.
ഓരോ ദിവസവും ഒന്നിലധികം ഷിഫ്റ്റുകളിലായി സാംസ്കാരിക പരിപാടികൾ സംഘടിപ്പിക്കും. 45 മിനിറ്റ് നീളുന്നതാണ് പ്രധാന പരിപാടി. 100-ലധികം കലാകാരന്മാരാണ് രാം കി പൈഡിയിൽ പരിപാടികൾ സംഘടിപ്പിക്കുക. ശ്രീരാമ ഭഗവാന്റെ ജീവിതത്തിലെ പ്രധാന ഏടുകളാണ് അവതരിപ്പിക്കുക. ലേസർ ഷോ, മൾട്ടിമീഡിയ പ്രൊഡക്ഷനുകൾ, വെടിക്കെട്ട് എന്നിവയും അരങ്ങേറും.
![{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://vskkerala.com/wp-content/uploads/2026/04/picsart_26-04-08_15-50-15-999-120x86.webp)
Discussion about this post