നാഗ്പൂർ: അന്തരിച്ച പ്രമുഖ വിദ്യാഭ്യാസ പ്രവര്ത്തകനും ശിക്ഷാ സംസ്കൃതി ഉത്ഥാന് ന്യാസിന്റെ മുന് അദ്ധ്യക്ഷനും ശിക്ഷാ ബച്ചാവോ ആന്ദോളന് സമിതി ദേശീയ സംയോജകനുമായ ദീനനാഥ് ബത്രയുടെ വിയോഗ വാർത്ത വളരെ ദുഃഖകരമാണെന്ന് ആർ എസ് എസ് സർസംഘചാലക് ഡോ. മോഹൻ ഭാഗവതും സർകാര്യവാഹ് ദത്താത്രേയ ഹൊസബാളെയും ശ്രദ്ധാഞ്ജലി സന്ദേശത്തിൽ ചൂണ്ടിക്കാട്ടി. അദ്ദേഹം ഒരു മികച്ച അധ്യാപകനും ഉന്നത വിദ്യാഭ്യാസ വിചക്ഷണനുമായിരുന്നു. വിദ്യാഭ്യാസ മേഖലയിൽ അദ്ദേഹം നൽകിയ സംഭാവനകൾ നിസ്തുലമാണ്. വിശേഷിച്ചും പാഠ്യപദ്ധതിയിലെ ചരിത്രത്തിൻ്റെ വളച്ചൊടിക്കലുകൾ നീക്കാൻ നിരന്തരശ്രമം അദ്ദേഹം നടത്തി.
രാഷ്ട്രീയ സ്വയംസേവക സംഘം അദ്ദേഹത്തിന് ആദരാഞ്ജലികൾ അർപ്പിക്കുകയും അദ്ദേഹത്തിന് നിത്യ ശാന്തി നൽകുവാൻ ദൈവത്തോട് പ്രാർത്ഥിക്കുന്നുവെന്ന് സന്ദേശത്തിൽ പറയുന്നു.
Discussion about this post