തിരുവനന്തപുരം: ഗവര്ണറെ സര്വകലാശാലകളുടെ ചാന്സലര് സ്ഥാനത്തു നിന്ന് മാറ്റുന്നതിനായി സര്ക്കാര് പുറത്തിറക്കിയ ഓര്ഡിനന്സ് ഗവര്ണര് ആരിഫ് മുഹമ്മദ് ഖാന് ഒപ്പിടാതെ മടക്കി. ഡിസംബര് അഞ്ചിന് നിയമസഭാ സമ്മേളനം വിളിച്ചു ചേര്ത്ത സാഹചര്യത്തിലാണ് ഗവര്ണര് ഓര്ഡിനന്സ് മടക്കി അയച്ചത്. ഓര്ഡിനന്സിന് പകരം സഭാസമ്മേളനത്തില് ബില് കൊണ്ടുവരുമെന്ന് സര്ക്കാര് വ്യക്തമാക്കിയിരുന്നു.
ഓര്ഡിനന്സ് ആയാലും ബില് ആയാലും ഒപ്പിടില്ലെന്നാണ് ഗവര്ണറുടെ നിലപാട്. തന്നെ മാത്രം ലക്ഷ്യമിട്ടുള്ള നിയമനിര്മാണം ആണെങ്കില് രാഷ്ട്രപതിയ്ക്ക് അയക്കുമെന്നും ഗവര്ണര് വ്യകത്മാക്കിയിരുന്നു. സംസ്ഥാനത്തെ 14 സര്വ്വകാലാശാലകളില് ഗവര്ണ്ണര് ചാന്സലറായിരിക്കും എന്ന സര്വ്വകാലാശാല നിയമത്തിലെ വ്യവസ്ഥയാണ് ഭേദഗതി ചെയ്തിരുന്നത്.
കേരള, കാലിക്കറ്റ്, കണ്ണൂര്, എംജി, സംസ്കൃതം സര്വ്വകലാശാലകളില് ഒരു ചാന്സിലര്ക്ക് ചുമതല നല്കും. കുസാറ്റ്, സാങ്കേതിക സര്വ്വകലാശാല,ഡിജിറ്റല് സര്വ്വകലാശാല എന്നിവയില് മറ്റൊരാള്ക്ക് ചുമതല. ആരോഗ്യ സര്വ്വകലാശാലയിലും, ഫിഷറീസ് സര്വ്വകലാശാലയിലും പ്രത്യേകം ചാന്സിലര്മാര് ഇതായിരുന്നു ഓര്ഡിനന്സിലൂടെ ലക്ഷ്യമിട്ടിരുന്നത്.
