കൊച്ചി: മഴ ശക്തമായ സാഹചര്യത്തില് എറണാകുളം ജില്ലയില് ചൊവ്വാഴ്ച വിദ്യാഭ്യാസ സ്ഥാപനങ്ങള്ക്ക് അവധി. കനത്ത മഴമുന്നറിയിപ്പ് നിലനില്ക്കുന്ന സാഹചര്യത്തില് എറണാകുളം ജില്ലയില് പ്രൊഫഷണല് കോളേജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. അംഗനവാടികള്, കേന്ദ്രീയ വിദ്യാലയങ്ങള്, സ്റ്റേറ്റ്, സിബിഎസ്ഇ, ഐസിഎസ്ഇ സ്കൂളുകള് തുടങ്ങി എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കുമെന്നും അറിയിപ്പില് വ്യക്തമാക്കുന്നു.
കേരളത്തില് അടുത്ത അഞ്ച് ദിവസം കനത്ത മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിരുന്നു. ഇതിന്റെ ഭാഗമായി എറണാകുളം ജില്ലയില് തിങ്കളാഴ്ച റെഡ് അലര്ട്ട് പ്രഖ്യാപിക്കുകയും ചെയ്തിരുന്നു. ചൊവ്വാഴ്ച എറണാകുളത്തും പത്തനംതിട്ട, ആലപ്പുഴ, കോട്ടയം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കാസറഗോഡ് ജില്ലകളിലും ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.
Discussion about this post