തിരുവനന്തപുരം: ഭാരതത്തിന്റെ കായിക സംസ്കാരത്തെ പ്രോത്സാഹിപ്പിക്കാൻ ലക്ഷ്യമിട്ടു പ്രവർത്തിക്കുന്ന സംഘടനയായ ക്രീഡാഭാരതി ഏർപ്പെടുത്തിയിരിക്കുന്ന ജീജാബായി പുരസ്കാരം പ്രശസ്ത ബാഡ്മിന്റൺ താരം എച്ച്.എസ്. പ്രണോയിയുടെ അമ്മ ഹസീന സുനിൽ കുമാറിന് ഇന്ന് സമ്മാനിക്കും. ഭാരതത്തിന്റെ യശസ്സ് ഉയർത്തിയ കായിക താരങ്ങൾക്ക് ജന്മം നല്കിയ അമ്മമാർക്ക് ക്രീഡാഭാരതി നല്കി വരുന്നതാണ് ഈ പുരസ്കാരം.
ഇന്ന് വൈകിട്ട് 5.30ന് കവടിയാർ ഉദയ് പാലസിൽ നടക്കുന്ന ചടങ്ങ് കേന്ദ്രമന്ത്രി വി. മുരളീധരൻ ഉദ്ഘാടനം ചെയ്യും. ക്രീഡാഭാരതി പ്രസിഡന്റ് പി.കെ. അനിൽകുമാർ അധ്യക്ഷനാകും. കൊച്ചിൻ ഷിപ്യാർഡ് സിഎംഡി മധു എസ്.നായർ പുരസ്കാര സമർപ്പണവും സ്പോർട്സ് അതോറിറ്റി ഓഫ് ഇന്ത്യ ഡയറക്ടർ ഡോ. ജി. കിഷോർ പ്രശംസാപത്ര സമർപ്പണവും നടത്തും. ക്രീഡാഭാരതി അഖിലഭാരത ജനറൽ സെക്രട്ടറി രാജ് സജാൽ ചൗധരി, ആർഎസ്എസ് സഹ പ്രാന്ത കാര്യവാഹ് ടി.വി. പ്രസാദ് ബാബു, ന്യൂ ഇയർ ഗ്രൂപ്പ് സി എംഡി ഡോ. എം.എം. പ്രസാദ്, ആർഎസ്എസ് തിരുവനന്തപുരം മഹാനഗർ സംഘചാലക് പി. ഗിരീഷ്, ജനറൽ കൺവീനർ വി.സി. അഖിലേഷ്, ക്രീഡാഭാരതി ജനറൽ സെക്രട്ടറി ടി.രതീഷ് തുടങ്ങിയവർ പങ്കെടുക്കും.
Discussion about this post