സ്വർണ്ണ ജയന്തി കാസർഗോട് ജില്ലാ കൺവെൻഷൻ

കാസർഗോട്: ഉപഭോക്താക്കളുടെ ഏകീകരണം സമൂഹത്തിന്റെ ശാക്തീകരണത്തിന് അത്യന്താപേക്ഷിതം.
ഉപഭോക്തൃ സംരക്ഷണം സമൂഹത്തിന്റെ മൊത്തം ഉത്തരവാദിത്തമാണെന്ന് കാഞ്ഞങ്ങാട് ചേർന്ന അഖില ഭാരതീയ ഗ്രാഹക് പഞ്ചായത്ത് ജില്ലാ തല കൺവെൻഷൻ അഭിപ്രായപ്പെട്ടു. സംസ്ഥാന ഉപ സംയോജകൻ അഡ്വ. ഷിബുജിയുടെ അദ്ധ്യക്ഷതയിൽ നടന്ന കൺവെൻഷൻ സംഘടനയുടെ സംസ്ഥാന സംയോജകൻ ഹരീഷ്ജി ഉദ്ഘാടനം ചെയ്തു. ഉപഭോക്താക്കളുടെ കടമകളും അവകാശങ്ങളും എന്ന വിഷയത്തിൽ അഡ്വ. ശാസ്തമംഗലം അജിത് കുമാർജി ക്ളാസ്സെടുത്തു. ഉത്തരമേഖലാ സംയോജക് സുനിത്ജി, അഡ്വ. പ്രകാശ് പാലാട്ട്, അഡ്വ. മനുദേവ് ഹരികൃഷ്ണ പ്രസാദ് തുടങ്ങിയവർ സംസാരിച്ചു.