തിരുവനന്തപുരം: ഭാരത സംസ്കാരം പരിരക്ഷിക്കുന്നവര് ജയിച്ചുവരണമെന്ന് ശ്രീനാരായണ ധര്മ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ. ഒരു സ്വകാര്യ ചാനലിനു നല്കിയ അഭിമുഖത്തിലാണ് സ്വാമി നിലപാട് വ്യക്തമാക്കിയത്. ലോകം ഭാരതത്തിലേക്ക് ഉറ്റുനോക്കുകയാണ്. ഭാരതത്തിന് മഹത്തായ സംസ്കാരമുണ്ട്. ഭാരത സംസ്കാരം പരിരക്ഷിക്കുന്നവര് ജയിച്ചുവരേണ്ടത് കാലഘട്ടത്തിന് ആവശ്യമാണ്.
കേന്ദ്രസര്ക്കാര് ശിവഗിരി മഠത്തിന്റെ വികസനത്തിനായി വലിയ സഹായം ചെയ്തിട്ടുണ്ട്. 69 കോടി രൂപയാണ് ശിവഗിരി ടൂറിസം പാക്കേജിനായി കേന്ദ്രസര്ക്കാര് അനുവദിച്ചത്. ഇതനുസരിച്ചുള്ള വികസനപ്രവര്ത്തനങ്ങള് ശിവഗിരിയിലും ചെമ്പഴന്തിയിലും അരുവിപ്പുറത്തും നടക്കുകയാണ്. ശിവഗിരി മഠത്തിന് രാഷ്ട്രീയ നിലപാടുകളില്ലെന്നും എന്നാല് പറഞ്ഞതില് ആശയം ഉണ്ടെന്നും സ്വാമി സച്ചിദാനന്ദ പറഞ്ഞു.
Discussion about this post