സംസ്ഥാനതല വാർഷിക ഛാത്രവാസ് പരിശീലനം ചങ്ങനാശ്ശേരി സുകൃതത്തിൽ

ദേശീയ സേവാഭാരതി കേരളവും, ബാലവികാസകേന്ദ്ര സമന്വയ സമിതിയും സംയോജിച്ചു നടത്തുന്ന സംസ്ഥാനതല വാർഷിക ഛാത്രവാസ് പരിശീലനം ചങ്ങനാശ്ശേരി സുകൃതം സേവാനിലയത്തിൽ ആരംഭിച്ചു. 2024 ഏപ്രിൽ 28 നു തുടങ്ങി മെയ് 2 നു അവസാനിക്കുന്ന പരിശീലന ശിബിരം, ഏപ്രിൽ 28നു രാവിലെ സുകൃതത്തിൽ ചേർന്ന യോഗത്തിൽ വെച്ച്, ശ്രീ അർജുന്റെ(സുകൃതം ) പ്രാർത്ഥനക്കു ശേഷം , ബ്രഹ്മശ്രീ ഗരുഡധ്വജാനന്ദ തീർത്ഥപാദർ (മുഖ്യ കാര്യദർശി , വാഴൂർ തീർത്ഥപാദാശ്രമം ) ഉദഘാടനം ചെയ്തു. ചങ്ങനാശ്ശേരി ഖണ്ഡ് സംഘചാലക് ശ്രീ ബാലകൃഷ്ണൻ യോഗത്തിനു അദ്ധ്യക്ഷത വഹിച്ചു, ഡോക്ടർ ശ്രീറാംശങ്കർ ജനറൽ സെക്രട്ടറി ദേശീയ സേവാഭാരതി കേരളം മുഖ്യ പ്രഭാഷണം നടത്തി. ശ്രീ ഇ എൻ ജയപ്രകാശ് (സെക്രട്ടറി ബാലവികാസ കേന്ദ്ര സമന്വയ സമിതി), റിട്ട പ്രൊഫ ശ്രീ രാജപ്പൻ ചെയർമാൻ സുകൃതം സേവാ ട്രസ്റ്റ്, ശ്രീ കെ പി സജികുമാർ സെക്രട്ടറി സുകൃതം സേവാ ട്രസ്റ്റ്, കെ വി രാജീവ് സംഘടനാ സെക്രട്ടറി ദേശീയ സേവാഭാരതി കേരളം , ആർ സജീവൻ സംഘടനാ സെക്രട്ടറി ബാലവികാസകേന്ദ്ര സമന്വയ സമിതി എന്നിവർ യോഗത്തിൽ പങ്കെടുത്തു സംസാരിച്ചു.