ആലപ്പുഴ: ആർഎസ്എസ് ശബരിഗിരി വിഭാഗ് സഹ സംഘചാലക് പ്രൊഫ. അമ്പലപ്പുഴ ഗോപകുമാർ അന്തരിച്ചു. ആലപ്പുഴ എസ്ഡി കോളേജ് റിട്ട. പ്രൊഫസറും ആലപ്പുഴ ജില്ല മുൻ സംഘചാലകുമായിരുന്നു.
1968 മുതൽ 1999 വരെ എസ്ഡി കോളേജ് മലയാളം വിഭാഗത്തിൽ ആദ്ധ്യാപകനായിരുന്നു. സാഹിത്യകാരൻ, കവി, ഗ്രന്ഥകർത്താവ്, പ്രഭാഷകൻ, സാംസ്‌കാരിക പ്രവർത്തകൻ തുടങ്ങിയ നിലകളിലും ശ്രദ്ധേയനായിരുന്നു.
ദീർഘകാലം അമ്പലപ്പുഴ പികെ മെമ്മോറിയൽ ഗ്രന്ഥശാലയുടെ പ്രസിഡന്റ് ആയിരുന്നു. അമൃതകീർത്തി പുരസ്‌കാരത്തിനും അർഹനായിട്ടുണ്ട്.
നാളെ അമ്പലപ്പുഴ ഗവ. മോഡൽ ഹയർ സെക്കന്ററി സ്കൂളിൽ രാവിലെ 10 മണി മുതൽ 12 വരെ പൊതുദർശനത്തിനു ശേഷം ഉച്ചയ്ക്ക് രണ്ട് മണിക്ക് സംസ്‍കാരചടങ്ങുകൾ.
Discussion about this post