തിരുവല്ല: ആര്‍എസ്എസ് പ്രചാര്‍ വിഭാഗിന്റെ ആഭിമുഖ്യത്തില്‍ പെന്‍ ഇന്ത്യ അവാര്‍ഡ് ജേതാവും ജന്മഭൂമി ന്യൂസ് എഡിറ്ററുമായ ബാബു കൃഷ്ണകലയെ ആദരിച്ചു. ജില്ല പ്രചാര്‍ പ്രമുഖ് കെ.ആര്‍.രതീഷ് പൊന്നാട അണിയിച്ചു. മതില്‍ഭാഗം മണ്ഡല്‍ കാര്യവാഹ് മഹേഷ് മോഹന്‍,ജന്മഭൂമി എഡീഷന്‍ ചീഫ് സജികുമാര്‍ കുഴിമറ്റം,അഭിജിത്ത് എസ്.ഗാണപത്യം,സനില്‍കുമാര്‍,വിപിന്‍, എന്നിവര്‍ പങ്കെടുത്തു.
ന്യൂയോര്‍ക്ക് യോങ്കേഴ്സ് മലയാളി അസോസിയേഷന്‍ മാധ്യമരംഗത്തെ സമഗ്ര സംഭാവനക്ക് ഏര്‍പ്പെടുത്തിയ ‘പെന്‍ ഇന്ത്യ’ പുരസ്കാരം മുതിര്‍ന്ന മാധ്യമപ്രവര്‍ത്തകനും ജന്മഭൂമി സീനിയര്‍ ന്യൂസ് എഡിറ്ററുമായ ബാബു കൃഷ്ണകലയ്ക്ക് നല്‍കും. ഒരു ലക്ഷം രൂപയും പ്രശസ്തി പത്രവുമടങ്ങുന്നതാണ് അവാര്‍ഡ്. ഡൊമിനിക്കന്‍ റിപ്പബ്ലിക്കിലെ പൂന്റാ കാനയില്‍ ബാല്‍സറോ ബവാറോ പാലസില്‍ ആഗസ്ത് 11 നു നടക്കുന്ന ചടങ്ങില്‍ അവാര്‍ഡ് നല്‍കുമെന്ന് അസോസിയേഷന്‍ പ്രസിഡന്റ് പ്രദീപ് നായര്‍ അറിയിച്ചു. നാലു ദശാബ്ദമായി പത്രപ്രവര്‍ത്തന രംഗത്തുള്ള ബാബു കൃഷ്ണകല വിവിധ സാമൂഹിക, സാംസ്‌കാരിക മേഖലകളിലും സജീവ സാന്നിധ്യമാണ്. സീനിയര്‍ ജേര്‍ണലിസ്റ്റ് ഫോറം ജില്ലാ സെക്രട്ടറിയാണ്. കേരള പത്രപ്രവര്‍ത്തക യൂണിയന്‍ പത്തനംതിട്ട ജില്ലാ പ്രസിഡന്റ്, സെക്രട്ടറി എന്നീ നിലകളില്‍ ചുമതലകള്‍ വഹിച്ചിട്ടുണ്ട്. ശബരിമലയുമായി ബന്ധപ്പെട്ട് അദ്ദേഹം പുറത്തുകൊണ്ടുവന്ന നിരവധി വാര്‍ത്തകള്‍ ഹൈക്കോടതി പൊതുതാല്‍പര്യ ഹര്‍ജിയായി പരിഗണിച്ച് നടപടി സ്വീകരിച്ചിരുന്നു. തിരുവല്ല വെണ്ണിക്കുളം നാരകത്താനി സ്വദേശിയാണ്. ഭാര്യ: ഗീത. മക്കള്‍: കൃഷ്ണപ്രിയ, മീര, ഗോപിക.
Discussion about this post