കണ്ണൂര്: നവംബര് 29, 30, ഡിസംബര് ഒന്ന് തീയതികളില് കണ്ണൂരില് നടക്കുന്ന അഖില ഭാരതീയ പൂര്വ സൈനിക സേവാ പരിഷത്ത് 25-ാം ദേശീയ സമ്മേളനത്തോടനുബന്ധിച്ചുള്ള സംഘാടക സമിതി ഓഫീസ് കണ്ണൂര് പഴയ ബസ്സ്റ്റാന്ഡിന് സമീപം സങ്കല്പ് ഐഎഎസ് അക്കാദമി ഹാളില് കണ്ണൂര് കന്റോണ്മെന്റ് സ്റ്റേഷന് സ്റ്റാഫ് ഓഫീസര് കേണല് കൃഷ്ണ നായര് ഉദ്ഘാടനം ചെയ്തു. പൂര്വസൈനിക സേവാപരിഷത്ത് ദേശീയ സെക്രട്ടറി മുരളീധര് ഗോപാല് അധ്യക്ഷനായി. രക്ഷാധികാരി കേണല് റിട്ട. രാംദാസ്, കേണല് റിട്ട. സാവിത്രിയമ്മ എന്നിവര് സംസാരിച്ചു. സ്വാഗതസംഘം കണ്വീനര് പി.ആര്. രാജന് സ്വാഗതവും പൂര്വസൈനിക സേവാപരിഷത്ത് ജില്ലാ ജനറല് സെക്രട്ടറി അജിത്ത് കുമാര് നന്ദിയും പറഞ്ഞു.
