ബംഗ്ലാദേശ് മതന്യൂനപക്ഷ വേട്ട സാംസ്കാരിക, രാഷ്ട്രീയ പ്രവർത്തകരുടെ മൗനം അപകടകരം – ബംഗ്ലാദേശ് ന്യൂനപക്ഷ ഐക്യദാർഢ്യ സമിതി

ഹരിപ്പാട് : ആഗോള ഭീകരവാദത്തിന്റെ വ്യക്താക്കളായ ഇസ്ലാമിക ഭീകരത ലോകമാകെ വിവിധങ്ങളായ പ്രവർത്തനത്തിലൂടെ സ്വൈര്യജീവിതം അട്ടിമറിച്ചിരിക്കുകയാണെന്നും സംവരണത്തിന്റെ പേരിൽ വിദ്യാർഥികളെ തെരുവിലിറക്കി ബംഗ്ലാദേശ് ഭരണകൂടത്തെ അട്ടിമറിച്ച് ജമാഅത്തെ ഇസ്ലാമി ഉൾപ്പെടെയുള്ള ഇസ്ലാമിക മതസംഘടനകൾ നേതൃത്വം നൽകി ബംഗ്ലാദേശിലെ ഹിന്ദു, ക്രിസ്ത്യൻ, ബുദ്ധ, ജൈന വിഭാഗങ്ങളിലുള്ളവരുടെ ആരാധനാലയങ്ങൾ തകർക്കുകയും ബംഗ്ലാദേശിലെ ന്യൂനപക്ഷങ്ങളെ നിഷ്ഠൂരമായി കൊലപ്പെടുത്തുകയും സ്ത്രീകളെ ബലാൽസംഘം ചെയ്ത് കൊലപ്പെടുത്തുകയും ചെയ്യുകയാണെന്നും ഹരിപ്പാട് നടത്തിയ സെമിനാറിൽ പ്രമേയത്തിലൂടെ അഭിപ്രായപ്പെട്ടു. ഇത്രയും ഭീകരമായ അവസ്ഥ തൊട്ടടുത്തുള്ള രാജ്യത്ത് നടക്കുമ്പോൾ, എന്തിനും ഏതിനും പ്രസ്താവനകളിറക്കുന്ന കേരളത്തിലെ സാംസ്കാരിക
രാഷ്ട്രീയ നേതൃത്വം മൗനത്തിലാണ് എന്നതാണ് അതിലും വലിയ ഭീകരതയെന്ന് ബംഗ്ലാദേശ് മതന്യൂനപക്ഷ ഐക്യദാർഢ്യസമിതി കൺവീനർ കെ. ആർ. സുബ്രഹ്മണ്യൻ പറഞ്ഞു.

ഭാരതത്തിലും പ്രത്യേകിച്ച് കേരളത്തിലും മിഷൻ 2047 എന്ന പേരിൽ ഇടതു വലത് സർക്കാരുകളുടെ ഒത്താശയോടെ ജമാഅത്തെ ഇസ്ലാമിയുടെ നേതൃത്വത്തിൽ രഹസ്യമായും പരസ്യമായും നടത്തിവരുന്ന വിധ്വംസക പ്രവർത്തനങ്ങളെക്കുറിച്ചും സമാന്തര സാമ്പത്തിക സംവിധാനങ്ങളും ടെലിഫോൺ എക്സ്ചേഞ്ചുകളും ഐ. എസ്സിന്റെ നേതൃത്വത്തിൽ രഹസ്യമായി കേരളത്തിൽ നടത്തിവന്നിരുന്നതിനെക്കുറിച്ചും ആൻ്റി ടെററിസ്റ്റ് ആക്ടിവിക്ട് നിക്സൺ ജോൺ വിഷയം അവതരിപ്പിച്ചു.

“കോവിഡ് 19 നെ ലക്ഷദ്വീപിലെ ജനങ്ങളെ കൊന്നൊടുക്കുന്നതിനുള്ള ജൈവായുധമായി ഭാരതത്തിന്റെ പ്രധാനമന്ത്രി ശ്രീ. നരേന്ദ്ര മോദി ഉപയോഗിച്ചുവെന്ന് സംവിധായിക ഐഷാ സുൽത്താന നടത്തിയ ദേശദ്രോഹപരമായ വിവാദ പ്രസ്താവന ഇസ്ലാമിക ഭീകരത കലാകാരന്മാരുടെ ഇടയിൽ പോലും ആഴത്തിൽ വ്യാപിച്ചു കഴിഞ്ഞു എന്നുള്ളതിന്റെ തെളിവായി സെമിനാർ ചൂണ്ടിക്കാട്ടി.

ബംഗ്ലാദേശിലെ മതന്യൂനപക്ഷ വേട്ടയും ഭാരതത്തിൻ്റെ വിശ്വമാനവികതയും എന്ന വിഷയത്തിൽ നടത്തിയ സെമിനാറിൽ വിശ്വഹിന്ദു പരിഷത്ത് സംസ്ഥാന സെക്രട്ടറി അഡ്വ: അനിൽ വിളയിൽ മോഡറേറ്റരായിരുന്നു. വ്യാപാരി വ്യവസായി ഏകോപന സമിതി ഹരിപ്പാട് യൂണിറ്റ് സെക്രട്ടറി ഐ. ഹലീൽ, ശ്രേയസ്സ്, നഗരസഭാ കൗൺസിലർ സുഭാഷിണി, റിട്ട:കേണൽ റാം മോഹൻ, ഭാരതീയ വിചാരകേന്ദ്രം മീഡിയ കോർഡിനേറ്റർ ജെ. മഹാദേവൻ, മേഖലാസെക്രട്ടറി പി.എസ് സുരേഷ്, എന്നിവർ സംസ്സാരിച്ചു.

ഗാന്ധി സ്ക്വയറിൽ ആർട്ടിസ്റ്റ് സുരേഷ് ബംഗ്ലാദേശിലെ ന്യൂനപക്ഷ പീഢന മാസ്പദമാക്കി വരച്ച തത്സമയ ചിത്രരചന ഭീകരതയുടെ സാക്ഷ്യപത്രമായി.