കൊച്ചി: കാസർകോട് പട്ടണത്തിൽ ബംഗ്ലാദേശി തീവ്രവാദിയെ ആസാം പോലീസ് അറസ്റ്റ് ചെയ്തത് കേരള പോലീസ് അറിഞ്ഞിട്ടില്ലെന്നും ഇത്തരം തീവ്രവാദികളെ കണ്ടെത്തി അറസ്റ്റ് ചെയ്യണമെന്നും ഹിന്ദു ഐക്യവേദി വർക്കിങ് പ്രസിഡൻ്റ് വത്സൻ തില്ലങ്കേരി പറഞ്ഞു.
ഇസ്ലാമിക തീവ്രവാദികൾ കേരളം താവളമാക്കുകയാണ്. എല്ലാ പരിരക്ഷയും കിട്ടുന്നത് കൊണ്ടാണ് അവർ ഇവിടെ എത്തിച്ചേരുന്നത്. ഭരണകൂടവും പോലീസും ഇത് തിരിച്ചറിയണം. ഹിന്ദു ഐക്യവേദി സമ്പൂർണ്ണ സംസ്ഥാന സമിതി യോഗത്തിൽ സമാപന പ്രസംഗം നടത്തുകയായിരുന്നു അദ്ദേഹം.
ഇവിടെ അവർ ബാങ്ക് അക്കൗണ്ട് തുടങ്ങിയിരിക്കുന്നു ആധാർ പോലെയുള്ള തിരിച്ചറിയൽ കാർഡ് നേടിയിരിക്കുന്നു വർഷങ്ങളായി അവർ വോട്ട് രേഖപ്പെടുത്തുന്നു. ഇത്തരം രാഷ്ട്രവിരുദ്ധ ശക്തികളെ കണ്ടെത്തി നിയമനടപടിക്ക് വിധേയമാക്കണമെന്ന് വത്സൻ തില്ലങ്കേരി പറഞ്ഞു. ഹിന്ദു പിന്നാക്ക സമുദായത്തിനുള്ള സംവരണം തട്ടിയെടുക്കുവാനുള്ള പരിശ്രമമാണ് മുസ്ലീംലീഗ് നടത്തുന്നതെന്നും അദ്ദേഹം പറഞ്ഞു.
ആർഎസ്എസ് ദക്ഷിണ കേരള പ്രാന്ത സഹകാര്യവാഹ് കെ.ബി.ശ്രീകുമാർ സംസാരിച്ചു
Discussion about this post