ട്രാക്കില്‍ അറ്റകുറ്റപ്പണികള്‍; സംസ്ഥാനത്തെ വിവിധ ട്രെയിനുകള്‍ റദ്ദാക്കി, സര്‍വീസുകള്‍ക്ക് നിയന്ത്രണവും ഏര്‍പ്പെടുത്തി

തിരുവനന്തപുരം : അറ്റകുറ്റപ്പണികള്‍ നടന്നുവരുന്നതിനാല്‍ ഞായറും തിങ്കളുമായി സംസ്ഥാനത്തെ വിവിധ ട്രെയിനുകള്‍ റദ്ദാക്കി. തൃശൂര്‍ യാര്‍ഡിലും, ആലുവ അങ്കമാലി സെക്ഷനിലും അറ്റകുറ്റപ്പണിയും മാവേലിക്കര ചെങ്ങന്നൂര്‍ പാതയില്‍ ഗര്‍ഡര്‍ നവീകരണവും നടക്കുന്നതിനാലാണ് ഇത്.  

സംസ്ഥാനത്തെ 15 ട്രെയിനുകളുടെ സര്‍വീസ്  പൂര്‍ണ്ണമായും റദ്ദാക്കി. ചില ട്രെയിനുകളുടെ സര്‍വീസുകള്‍ക്ക് നിയന്ത്രണവും ഏര്‍പ്പെടുത്തിയിട്ടുണ്ട്. കായംകുളം എറണാകുളം എക്‌സ്പ്രസ്, എറണാകുളം ആലപ്പുഴ മെമു, ആലപ്പുഴ എറണാകുളം എക്‌സ്പ്രസ്, നാഗര്‍കോവില്‍ കോട്ടയം എക്‌സ്പ്രസ് എന്നീ ട്രെയിനുകള്‍ കൊല്ലം വരെ മാത്രമേ സര്‍വീസ് നടത്തൂ.

ശബരി എക്‌സ്പ്രസ്, കേരള എക്‌സ്പ്രസ്, കന്യാകുമാരി ബെംഗളൂരു എക്‌സ്പ്രസ്, തിരുവനന്തപുരം കണ്ണൂര്‍ ജനശതാബ്ദി, തിരുവനന്തപുരം ചെനൈ മെയില്‍, നാഗര്‍കോവില്‍ ഷാലിമാര്‍ എക്‌സ്പ്രസ്, തിരുവനന്തപുരം ചെന്നൈ സൂപ്പര്‍ഫാസ്റ്റ് എക്‌സ്പ്രസ്, വഞ്ചിനാട് എക്‌സ്പ്രസ്, പുനലൂര്‍ ഗുരുവായൂര്‍ എക്‌സ്പ്രസ് എന്നിവ തിങ്കളാഴ്ച ആലപ്പുഴ വഴിയും തിരിച്ചുവിടും.  

റദ്ദാക്കിയ ട്രെയിനുകള്‍

കൊച്ചുവേളി- ലോകമാന്യ തിലക് ഗരീബ് രഥ് എക്സ്പ്രസ് (12202)

നാഗര്‍കോവില്‍ ജങ്ഷന്‍- മംഗളൂരു സെന്‍ട്രല്‍ പരശുറാം എക്സപ്രസ്- (16650)

നിലമ്പൂര്‍ റോഡ്- കൊച്ചുവേളി രാജറാണി എക്സ്പ്രസ് (16349)

തിരുവനന്തപുരം- മധുരൈ ജങ്ഷന്‍ അമൃത എക്സ്പ്രസ് (16343)

കൊല്ലം ജങ്ഷന്‍- എറണാകുളം മെമു (06788)

കൊല്ലം ജങ്ഷന്‍- എറണാകുളം മെമു (06778)

എറണാകുളം ജങ്ഷന്‍- കൊല്ലം ജങ്ഷന്‍ മെമു (06441)

കായംകുളം ജങ്ഷന്‍- എറണാകുളം ജങ്ഷന്‍ മെമു (16310)

കൊല്ലം ജങ്ഷന്‍- കോട്ടയം അണ്‍റിസര്‍വ്ഡ് സ്പെഷ്യല്‍ (06786)

എറണാകുളം ജങ്ഷന്‍- കൊല്ലം ജങ്ഷന്‍ മെമു സ്പെഷ്യല്‍ (06769)

കോട്ടയം- കൊല്ലം ജങ്ഷന്‍ മെമു സ്പെഷ്യല്‍ (06785)

കായംകുളം- എറണാകുളം അണ്‍റിസരര്‍വ്ഡ് എക്സ്പ്രസ് സ്പെഷ്യല്‍ (06450)

എറണാകുളം ആലപ്പുഴ മെമു എക്സ്പ്രസ് സ്പെഷ്യല്‍ (06015)

ആലപ്പുഴ എറണാകുളം അണ്‍റിസര്‍വ്ഡ് എക്സ്പ്രസ് സ്പെഷ്യല്‍ (06452)

തിങ്കളാഴ്ച റദ്ദാക്കിയ ട്രെയിനുകള്‍

ലോകമാന്യതിലക്- കൊച്ചുവേളി ഗരീബ്രഥ് എക്‌സ്പ്രസ്(12201)

നിലമ്പൂര്‍ റോഡ്- ഷൊര്‍ണൂര്‍ ജങ്ഷന്‍ അണ്‍റിസര്‍വ്ഡ് എക്സ്പ്രസ് (06466)

മധുരൈ- തിരുവനന്തപുരം അമൃത എക്‌സ്പ്രസ് ( 16344)

ഷൊര്‍ണൂര്‍ ജങ്ഷന്‍- നിലമ്പൂര്‍ റോഡ് അണ്‍റിസര്‍വ്ഡ് എക്സ്പ്രസ് (06467)

നിലമ്പൂര്‍ റോഡ്- കൊച്ചുവേളി രാജറാണി എക്സ്പ്രസ് (16350)