കടയ്ക്കലില്‍ ഒരു കുടുംബത്തിലെ നാലുപേര്‍ക്ക് കുത്തേറ്റു

കടയ്ക്കല്‍: കടയ്ക്കൽ ചുണ്ടയിൽ ഒരു കുടുംബത്തിലെ നാല് പേര്‍ക്ക് കുത്തേറ്റു. ചുണ്ട ബിജു ഭവനില്‍ ബിജു , രാജി ,ലീല ,സുബാഷ് എന്നിവർക്കാണ് കുത്തേറ്റത്.

നിലമേൽ പനക്കുന്നിൽ ശ്രീനാഥാണ് ഇവരുടെ വീട്ടിൽ കയറി കുത്തിയത്. കഴിഞ്ഞ ദിവസം രാവിലെ 7.30 മണിയോടെയാണ് സംഭവം , പരിക്കേറ്റവരെ കടയ്ക്കൽ താലൂക്ക് ആശുപത്രിയിലും അവിടെ നിന്നും തിരുവനന്തപുരം മെഡിക്കൽ കോളേജിലേക്കും മാറ്റി.

പ്രതിയെ കടയ്ക്കൽ പോലീസ് കസ്റ്റഡിയിൽ എടുത്തു, സോഷ്യൽ മീഡിയയിലൂടെയുള്ള തർക്കമാണ് ഈ കൃത്യം ചെയ്യാൻ കാരണമെന്നാണ് പ്രതി പറയുന്നത്. രാജിയും ശ്രീനാഥും കൂടി സോഷ്യൽ മീഡിയയിൽ ഉണ്ടായ വാക്ക് തർക്കത്തോടെയാണ് സംഭവത്തിന് തുടക്കം. രാജിയെ ആക്രമിച്ചത് കണ്ട് തടയാൻ ശ്രമിച്ചവരെയുമാണ് പ്രതി കുത്തി പരിക്കേൽപ്പിച്ചത്.

രാജിയുടെ സ്ഥിതി ഗുരുതരമാണ്. നാലോളം കുത്തുകൾ രാജിയുടെ ശരീരത്തിൽ എറ്റിട്ടുണ്ട്. ബാക്കിയുള്ളവരുടെ സ്ഥിതി ഗുരുതരമല്ല. പ്രതിയെ നാട്ടുകാർ തടഞ്ഞുവച്ചു പോലീസിൽ ഏൽപ്പിക്കുകയായിരുന്നു.