കടക്കെണിയിൽ വലയുന്ന കേരളത്തിന് കേന്ദ്രത്തിന്റെ സഹായ ഹസ്തം; 4,000 കോടി രൂപ അനുവദിച്ചു

തിരുവനന്തപുരം: കടക്കെണിയിൽപ്പെട്ട് വലയുന്ന കേരളത്തിന് സഹായ ഹസ്തവുമായി കേന്ദ്രം. 4,000 കോടി രൂപയാണ് കേന്ദ്രത്തിൽ നിന്നും കേരളത്തിനായി അനുവദിച്ചത്. 2,236 കോടി നികുതി വിഹിതവും ഐ.ജി.എസ്.ടി വിഹിതവും കേരളത്തിന് കേന്ദ്രം നൽകി.

4,000 കോടി അനുവദിച്ചതോടെ ഓവർഡ്രാഫ്റ്റിൽ നിന്നും ട്രഷറി കരകയറി. ഇത്തവണത്തെ സർക്കാർ ജീവനക്കാരുടെ ശമ്പളവും പെൻഷനും കേന്ദ്രത്തിന്റെ ധനസഹായം കൊണ്ട് കേരളത്തിന് കൊടുക്കാൻ സാധിക്കും. ധനസഹായം ലഭിച്ചതോടെ കേരളത്തിന്റെ കടുത്ത സാമ്പത്തിക പ്രതിസന്ധിക്ക് താത്കാലിക ആശ്വാസമായിരിക്കുകയാണ്.