ചെറുകോല്‍: സമൂഹം പരിവര്‍ത്തനത്തിനു വിധേയമായി മുന്നോട്ട് പോകണമെന്ന് മുതിര്‍ന്ന ആര്‍എസ്എസ് പ്രചാരകന്‍ എസ്. സേതുമാധവന്‍. ചെറുകോല്‍ ശ്രീശുഭാനന്ദാശ്രമത്തില്‍ നടക്കുന്ന കേരള ക്ഷേത്രസംരക്ഷണ സമിതി സംസ്ഥാന പഠന ശിബിരത്തില്‍ രണ്ടാം ദിവസം സംസാരിക്കുകയായിരുന്നു അദ്ദേഹം.
ആര്‍എസ്എസ് രൂപം കൊണ്ടത് ആരുടെയും വ്യക്തിപരമായ സൗഖ്യത്തിനല്ല. വ്യക്തിനിര്‍മാണത്തിലൂടെ സമൂഹത്തിന്റെയും അതുവഴി രാഷ്‌ട്രത്തിന്റെയും സമഗ്രപുരോഗതിക്കായാണ് സംഘം പ്രവര്‍ത്തിക്കുന്നത്. ആ മാതൃക ആര്‍ക്കും സ്വീകരിക്കാവുന്നതാണെന്ന് അദ്ദേഹം സൂചിപ്പിച്ചു. മുല്ലപ്പള്ളി കൃഷ്ണന്‍ നമ്പൂതിരി, ഡോ. എം.വി. നടേശന്‍, ബിഎംഎസ് മുന്‍ ദേശീയ അദ്ധ്യക്ഷന്‍ അഡ്വ.സി.കെ. സജി നാരായണന്‍, കെ.നാരായണന്‍ കുട്ടി, മാതൃസമിതി സംസ്ഥാന സെക്രട്ടറി അഡ്വ. ലക്ഷ്മിപ്രിയ എന്നിവര്‍ ക്ലാസുകളെടുത്തു.
Discussion about this post