കൊട്ടാരക്കര.ഹിന്ദുവെന്നതിൽ അഭിമാനം. അത് തുറന്നു പറയുന്നതിലും അഭിമാനമെന്ന് സിനിമതാരം അനു ശ്രീ. കൊട്ടാരക്കര നഗരം ഹിന്ദു ഏകതാ സമ്മേളനത്തിൽ മുഖ്യ അതിഥിയായിരുന്നു അനുശ്രീ. വിശ്വാസത്തിലും സംസ്കാരത്തിലും ഉറച്ചുനില്ക്കുന്നുവെന്ന് തുറന്നു പറഞ്ഞതിൻ്റെ പേരിൽ ഭവിഷ്യത്തുകൾ നേരിടേണ്ടി വന്നിട്ടുണ്ട്. എന്നാൽ അതെല്ലാം അഭിമാനത്തോടെയാണ് കാണുന്നത്. ബാലഗോകുലത്തിൽ പഠിച്ച പാഠങ്ങൾ ഇന്നും പ്രചോദനമാകുന്നുവെന്നും അവർ പറഞ്ഞു.
ഹിന്ദു ഏകതാ സമ്മേളനം സംഘാടക സമിതി പ്രസിഡന്റ് വിനായക എസ് അജിത് കുമാറിന്റെ അധ്യക്ഷതയിൽ സദാനന്ദ പുരം അവധൂതാശ്രമം മഠാധിപതി സ്വാമി ചിദാനന്ദഭാരതി ഭദ്രദീപം കൊളുത്തി ഉത്ഘാടനം ചെയതു.
രാഷ്ട്രീയ സ്വയം സേവക സംഘം പ്രാന്തീയ ധർമ്മ ജാഗരൺ സംയോജക് എം ആർ കൃഷ്ണകുമാർ മുഖ്യ പ്രഭാഷണം നടത്തി. സംഘാടക സമിതി ജനറൽ സെക്രട്ടറി ശിവപ്രസാദ്, ജില്ലാ സംഘ ചാലക് ആർ ദിവാകരൻ, ജില്ലാ സേവ പ്രമുഖ് എം ദീപക്, ഖണ്ഡ് കാര്യവാഹക് വി അരുൺ,സംയോജക് വി ജി ഗണേഷ്, ട്രഷറർ സുധീഷ്, ബി സുജിത്, ബിജു പടിഞ്ഞാറ്റിങ്കര, മനു തൃക്കണ്ണമംഗൽ, സോമശേഖരൻപിള്ള, രാമചന്ദ്രൻ പിള്ള, ശിവൻ തൃക്കണ്ണമംഗൽ, എന്നിവർ സംസാരിച്ചു.
ഏകതാ സമ്മേളനത്തോഡനുബന്ധിച്ചു നടന്ന പ്രശ്നോത്തരി, ചിത്ര രചന മത്സരങ്ങളിൽ വിജയികൾക്ക് അനുശ്രീ ഉപഹാരങ്ങൾ നൽകി. പരിപാടിയിൽ നാട്യാഞ്ജലി ഡാൻസ് പെർഫോർമിങ് ആർട്സ് ഡാൻസ് അവതരിപ്പിച്ചു.
