കൊച്ചി: രാഷ്ട്രീയ സ്വയംസേവക സംഘം കേരളം ഘടകത്തിന്റെ ഔദ്യോഗിക മൊബൈൽ ആപ്ലിക്കേഷനായ ‘ശ്രുതം’ ഈ മാസം 27ന് പുറത്തിറങ്ങും. സംഘ ശതാബ്ദിയുടെ പശ്ചാത്തലത്തിൽ രൂപകൽപ്പന ചെയ്ത ആപ്പിന്റെ ലോഞ്ചിങ് കർമ്മം അന്നേദിവസം വൈകുന്നേരം 6.30ന് എളമക്കര മാധവനിവാസിലെ മാധവ്ജി മണ്ഡപത്തിൽ വെച്ച് പ്രജ്ഞാപ്രവാഹ് ദേശീയ സംയോജകൻ ജെ. നന്ദകുമാർ നിർവഹിക്കും. ആർഎസ്എസ് കൊച്ചി മഹാനഗരം സംഘചാലക് അഡ്വ. പി വിജയകുമാർ ചടങ്ങിൽ അധ്യക്ഷത വഹിക്കും.
സ്വയംസേവകർ പ്രാർത്ഥനയിൽ നടത്തുന്ന പഞ്ചഗുണ യാചനകളിൽ ഒന്നായ ‘ശ്രുതം’ എന്ന ആശയത്തെ മുൻനിർത്തിയാണ് ആപ്പിന് ഈ പേര് നൽകിയിരിക്കുന്നത്. വ്യക്തിനിർമ്മാണത്തിന് ആവശ്യമായ ആശയദൃഢത നൽകുന്ന ഗണഗീതങ്ങൾ, സുഭാഷിതങ്ങൾ, അമൃതവചനങ്ങൾ തുടങ്ങിയവയെല്ലാം ഈ ആപ്പിലൂടെ ലഭ്യമാകും.സ്വയംസേവകർക്ക് പുറമെ ആർഎസ്എസിനെക്കുറിച്ച് കൂടുതൽ അറിയാൻ ആഗ്രഹിക്കുന്ന പൊതുസമൂഹത്തിനും ഒരുപോലെ ഉപയോഗപ്രദമാകുന്ന രീതിയിലാണ് ആപ്പിന്റെ രൂപകൽപ്പനയെന്ന് സംഘാടകർ അറിയിച്ചു. കേരളത്തിൽ സംഘത്തിന്റെ പേരിൽ പുറത്തിറങ്ങുന്ന ഒരേയൊരു ഔദ്യോഗിക ആപ്പ് കൂടിയാണ് ‘ശ്രുതം’.
ആപ്പ് ലോഞ്ച് തത്സമയം വിഎസ്കെ കേരളം യൂട്യൂബ് ചാനലിൽ ഉണ്ടാകും.
Discussion about this post