കൊച്ചി: രാഷ്ട്രജീവിതത്തെ സുന്ദരമാക്കിത്തീര്ക്കുന്ന ഏറ്റവും മഹത്തായ പ്രവര്ത്തനമാണ് സക്ഷമ നിര്വഹിക്കുന്നതെന്ന് ഗ്രന്ഥകാരനും ചിന്തകനുമായ ടി.ആര്. സോമശേഖരന്. വ്യക്തി രാഷ്ട്രത്തിന്റെ ഘടകമല്ല, രാഷ്ട്രം തന്നെയാണ്. അതുകൊണ്ട് വ്യക്തികളുടെ അവശതകള് നികത്തി മറ്റുള്ളവര്ക്കൊപ്പം എത്തിക്കുന്നതിലൂടെ അവികലമായ രാഷ്ട്രജീവിതമാണ് സക്ഷമ സാധ്യമാക്കുന്നതെന്ന് അദ്ദേഹം പറഞ്ഞു. സക്ഷമ ദേശീയ നിര്വാഹകസമിതി യോഗത്തിന്റെ എളമക്കര മാധവനിവാസിലെ സ്വാഗതസംഘ കാര്യാലയം ഉദ്ഘാടനസഭയില് സംസാരിക്കുകയായിരുന്നു സോമശേഖരന്.
നിറഞ്ഞ ജീവിതമാണ് ഭാരതത്തിന്റെ സവിശേഷതയെന്ന് പരിപാടയില് സംസാരിച്ച കെ.കെ. വാമനന് പറഞ്ഞു. ഇവിടെ എല്ലാവര്ക്കും, എല്ലാറ്റിനും ഇടമുണ്ട്. ആധ്യാത്മികമായും ഭൗതികമായും സുവര്ചകോരമാണ് ഭാരതം.
അത്തരത്തില് എല്ലാ അര്ത്ഥത്തിലും നിറഞ്ഞ ജീവിതമാണ് നമ്മുടെ വീക്ഷണം. നിറവ് കുറയുമ്പോള് രോഗമുണ്ടാകും. പൂര്ണനാണെന്ന ചിന്തയാണ് ആരോഗ്യത്തിന്റെ ആധാരം. സംതൃപ്തി പകരലാണ് സക്ഷമയുടെ പ്രവര്ത്തനമെന്ന് അദ്ദേഹം ചൂണ്ടിക്കാട്ടി.
16, 17, 18 തീയതികളില് എറണാകുളം ഭാസ്കരീയം കണ്വെന്ഷന് സെന്ററില് നടക്കുന്ന നാഷണല് എക്സിക്യൂട്ടീവ് കൗണ്സിലിന്റെ .സ്വാഗത സംഘം ഓഫീസ് ഉദ്ഘാടനം ടി.ആര്. സോമശേഖരന്, കെ.കെ. വാമനന്, കെ. പുരുഷോത്തമന്, കെ.ആര്. ഉമാകാന്തന്, സക്ഷമ എക്സിക്യൂട്ടീവ് മെമ്പര് പി. സുന്ദരം എന്നിവര് ചേര്ന്ന് നിര്വഹിച്ചു. സംസഥാന ജനറല് സെക്രട്ടറി കൃഷ്ണകുമാര് ടി.എം, ജോയിന്റ് സെക്രട്ടറി എം.ബി. സുധീര് എന്നിവര് സംസാരിച്ചു.
17 ന് രാവിലെ 9.30 ന് ഗവര്ണര് ആരിഫ് മുഹമ്മദ് ഖാന് പൊതുസമ്മേളനം ഉദ്ഘാടനം ചെയ്യും. ആര്എസ്എസ് സഹ സര്കാര്യവാഹ് സി.ആര്. മുകുന്ദ, സക്ഷമ ദേശീയ അധ്യക്ഷന് അഡ്വ. ഗോവിന്ദരാജ്, ജനറല് സെക്രട്ടറി കമലാകാന്ത് പാണ്ഡെ, സംസ്ഥാന പ്രസിഡന്റ് ഡോ.എന്.ആര്. മേനോന് എന്നിവര് പങ്കെടുക്കും.
Discussion about this post