തൃപ്പൂണിത്തുറ: രവി അച്ചന്‍ ബഹുമുഖ പ്രതിഭയായിരുന്നുവെന്നും രാഷ്‌ട്രീയ സ്വയം സേവക സംഘത്തില്‍ മികച്ച നേതൃപാടവം കാഴ്ചവച്ച വ്യക്തിത്വമായിരുന്നുവെന്നും ആര്‍എസ്എസ് ഉത്തരകേരളം പ്രാന്ത കാര്യവാഹ് പി.എന്‍. ഈശ്വരന്‍ പറഞ്ഞു. ആര്‍എസ്എസ് കൊച്ചി മഹാനഗരത്തിന്റെ ആഭിമുഖ്യത്തില്‍ തൃപ്പൂണിത്തുറ ലായം കൂത്തമ്പലത്തില്‍ നടന്ന രവി അച്ചന്‍ അനുസ്മരണയോഗത്തില്‍ മുഖ്യപ്രഭാഷണം നടത്തുകയായിരുന്നു.
ആത്മ സമര്‍പ്പണത്തോടെ അദ്ദേഹം നല്‍കിയ സംഭാവനകള്‍ വരും തലമുറയ്‌ക്ക് പ്രചോദനമാകുമെന്നും അദ്ദേഹം പറഞ്ഞു.
ആര്‍എസ്എസ് കൊച്ചി മഹാനഗരം സംഘചാലക് പി. വിജയകുമാര്‍ അധ്യക്ഷനായി. ആര്‍എസ്എസ് കൊച്ചി മഹാനഗര്‍ ബൗദ്ധിക് ശിക്ഷണ്‍ പ്രമുഖ് പി.ആര്‍. ഹരി, എം.ആര്‍.എസ് മേനോന്‍, തൃപ്പൂണിത്തുറ നഗരസഭാ ബിജെപി പാര്‍ലമെന്ററി പാര്‍ട്ടി നേതാവ് പി.കെ പീതാംബരന്‍, തൃപ്പൂണിത്തുറ ക്രിക്കറ്റ് ക്ലബ്ബ് പ്രതിനിധി കെ. പ്രദീപ്, കഥകളി കേന്ദ്രം പ്രതിനിധി സി. ഉണ്ണിക്കൃഷ്ണന്‍, പൂര്‍ണത്രയീശ സേവാ സംഘം സെക്രട്ടറി ടി.എം. മോഹന്‍കുമാര്‍, കോട്ടയ്‌ക്കകം റസിഡന്റ്‌സ് അസോസിയേഷന്‍ പ്രതിനിധി എല്‍.ആര്‍. പോറ്റി, പാലിയം കൊട്ടാരം പ്രതിനിധി കൃഷ്ണബാലന്‍, വിശ്വഹിന്ദു പരിഷത്ത് സംസ്ഥാന ജോ. സെക്രട്ടറി അഭിനു സുരേഷ്, ബാലഗോകുലം നഗര്‍ അധ്യക്ഷന്‍ എം.കെ സതീശന്‍, തപസ്യ സംസ്ഥാന സെക്രട്ടറി മുരളി പാറപ്പുറം, കുരുക്ഷേത്ര പ്രകാശന്‍ ഡയറക്ടര്‍ ബോര്‍ഡ് അംഗം വിദ്യാസാഗര്‍ എന്നിവര്‍ സംസാരിച്ചു.
Discussion about this post