ആലപ്പുഴ: ലോകത്തിലെ ഏറ്റവും അച്ചടക്കമുള്ള സംഘടനയുടെ ഏറ്റവുമറ്റത്തെ ഒരു തുള്ളിയാവാൻ സാധിച്ചു എന്ന കൃതാർത്ഥത അനുഭവിക്കാൻ ഭാഗ്യം ലഭിച്ചവരാണ് സ്വയംസേവകരെന്ന് ഗാനരചയിതാവും കവിയുമായ രാജീവ് ആലുങ്കൽ. എനിക്ക് ഇടം ഉള്ളതുപോലെ തന്നെ നിനക്കും ഇടം ഉണ്ടെന്നുള്ള തിരിച്ചറിവും അംഗീകാരവും ആണ് സാമൂഹ്യ ജീവിതത്തിൻ്റെ ആധാരം. കതിരുകളായ നാം വളരുന്ന വഴികളിൽ നിരവധി പ്രതിസന്ധികളും പരിഹാസങ്ങളും ഉണ്ടായെന്നു വരാം. എന്നാൽ അതിനെയൊക്കെ വളമാക്കി മാറ്റി ഉയരേണ്ടവരാണ് നമ്മളെന്ന് അദ്ദേഹം പറഞ്ഞു. രാഷ്ടീയ സ്വയംസേവക സംഘം സംഘശിക്ഷാവർഗ് (ദക്ഷിണ കേരളം) ആലപ്പുഴ അറവുകാട് വിദ്യാലയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വർഗ് സർവാധികാരി ആലപ്പുഴ ജില്ലാ സഹ സംഘചാലക് ആർ സുന്ദർ അദ്ധ്യക്ഷത വഹിച്ചു. ഭാരതീയ വിദ്യാനികേതൻ സംസ്ഥാന അദ്ധ്യക്ഷൻ പി. ഗോപാലൻകുട്ടി മാസ്റ്റർ പ്രഭാഷണം നടത്തി.
Discussion about this post