തിരുവല്ല: ബാങ്ക് ജപ്തിനടപടികള് നേരിട്ടിരുന്ന കിടപ്പാടം വിശ്വസേവാഭാരതി വീണ്ടെടുത്ത് നല്കി. പാലിയേക്കര മുളവന വീട്ടില് ലേഖ വി നായര്ക്കാണ് വിശ്വസേവാഭാരതിയുടെ സഹായമെത്തിയത്. മെയ് 14ന് വാളകത്ത് നടന്ന വാഹന അപകടത്തില് ലേഖയുടെ ഭര്ത്താവ് പ്രദീപ് കുമാര് എംഎസ് മരണപ്പെട്ടിരുന്നു. ലേഖയ്ക്കും ഗുരുതരമായി പരിക്കുപറ്റിയതിനെത്തുടര്ന്ന് പിന്നീട് ജോലിക്ക് പോകാന് കഴിയാത്ത സാഹചര്യമാണുള്ളത്.
നരത്തെ തിരുവല്ല കോ ഓപ്പറേറ്റീവ് ബാങ്കില് ഇവരുടെ വസ്തു പണയം വച്ച 6,50,000 രൂപ വായ്പ എടുത്തിരുന്നു. തിരിച്ചടവ് മുടങ്ങിയതിനെതുടര്ന്ന് വസ്തുവിന് മേല് തിരുവല്ല കോ ഓപ്പറേറ്റീവ് ബാങ്ക് ജപ്തി നടപടികള് സ്വീകരിച്ചു. ഇതേത്തുടര്ന്നാണ് ജപ്തി നടപടികള് ഒഴിവാക്കി ഒറ്റത്തവണ തീര്പ്പാക്കല് പ്രകാരം 4,46,807 രൂപ വിശ്വസേവാഭാരതി ബാങ്കില് അടച്ച് ജപ്തി നടപടികള് അവസാനിപ്പിച്ച് ബാങ്കില് നിന്നും സ്ഥലത്തിന്റെ ആധാരം വീണ്ടെടുത്തത്. ഇതിന്റെ രേഖകള് ആര്എസ്എസ് ശബരിഗിരി വിഭാഗ് സംഘചാലക് സി.പി. മോഹനചന്ദ്രന് ലേഖയ്ക്ക് കൈമാറി. ശബരിഗിരി വിഭാഗ് കാര്യവാഹ് ജി. വിനു, വിശ്വസേവാഭാരതി ജോയിന്റ് സെക്രട്ടറി ടി.ആര്. രാജന് എന്നിവരും സന്നിഹിതരായിരുന്നു.
Discussion about this post