കൊല്ലം: ദേശീയ സേവാഭാരതി കേരളം കെ.ചിറ്റിലപ്പിള്ളി ഫൗണ്ടേഷന്റെ സഹകരണത്തോടെ തലചായ്ക്കാനൊരിടം ഭവനപദ്ധതിയിലൂടെ നിർമ്മിക്കുന്ന വീടിന്റെ ശിലാസ്ഥാപന കർമ്മം നടന്നു. പവിത്രേശ്വരം കരിമ്പിൻപുഴ സ്വദേശിനിയായ സി.മായയ്ക്ക് അനുവദിച്ച വീടിന്റെ നിർമ്മാണ പ്രവർത്തനങ്ങളാണ് ആരംഭിച്ചത്. സേവാഭാരതി പവിത്രേശ്വരം യൂണിറ്റിന്റെ മേൽനോട്ടത്തിൽ നെടിയവിളയിലാണ് ഭവനം നിർമ്മിക്കുന്നത്. ചടങ്ങുകൾക്ക് തുടക്കം കുറിച്ചുകൊണ്ട് ദേശീയ സേവാഭാരതി കൊല്ലം ജില്ലാ സമിതിയുടെ രക്ഷാധികാരി ഡോ.എൻ.എൻ.മുരളി ഭദ്രദീപം തെളിയിച്ചു.
ദേശീയ സേവാഭാരതി കൊല്ലം ജില്ലാ ജനറൽ സെക്രട്ടറി പി.എസ്.ശ്രീജിത്ത് , സംഘടനാ സെക്രട്ടറി കെ.ഗണേഷ് കുമാർ, രാഷ്ട്രീയ സ്വയംസേവക സംഘത്തിന്റെയും വിവിധ ക്ഷേത്രങ്ങളുടെയും ജില്ലാ,താലൂക്ക്, മണ്ഡലം കാര്യകർത്താക്കളും ചടങ്ങിൽ പങ്കെടുത്ത് നേതൃത്വം നൽകി. സേവാഭാരതി പവിത്രേശ്വരം, കുന്നത്തൂർ യൂണിറ്റ് ഭാരവാഹികളും പ്രവർത്തകരും സന്നിഹിതരായിരുന്നു.
Discussion about this post