അരവിന്ദം നാഷണൽ ഷോർട്ട് ഫിലിം ഫെസ്റ്റിവൽ ലോഗോ പ്രകാശനം ചെയ്തു

കോട്ടയം: തമ്പ് ഫിലിം സൊസൈറ്റിയുടെ ആഭിമുഖ്യത്തിൽ 2025 മാർച്ച് 14, 15, 16 തീയതികളിൽ കോട്ടയത്ത് നടക്കുന്ന അരവിന്ദം നാഷണൽ ഷോർട്ട് ഫിലിം ഫെസ്റ്റിവലിന്റെ ലോഗോ പ്രകാശനം പ്രമുഖ സംവിധായകൻ വിഷ്ണു മോഹൻ നിർവഹിച്ചു. ക്യാമ്പസ്, നോൺ ക്യാമ്പസ് എന്നിങ്ങനെ രണ്ട് വിഭാഗങ്ങളായി തിരിച്ചാണ് മത്സരം നടക്കുന്നത്. വിജയ ചിത്രങ്ങൾക്ക് ക്യാഷ് പ്രൈസും മൊമന്റോയും ഉണ്ടായിരിക്കും.

2024 ജനുവരി ഒന്നു മുതൽ ഡിസംബർ 30ന് ഉള്ളിൽ റിലീസ് ചെയ്ത ഷോർട്ട് ഫിലിമുകൾ ആണ് മത്സരത്തിന് അയക്കേണ്ടത്. ഒക്ടോബർ 20 മുതൽ എൻട്രികൾ അയക്കാവുന്നതാണെന്ന് സംഘാടകർ പറഞ്ഞു.കൂടുതൽ വിവരങ്ങൾക്ക് 7012864173 ഈ നമ്പറിൽ കോൺടാക്ട് ചെയ്യാം.