കോഴിക്കോട്: രാഷ്‌ട്രീയ, സാമൂഹ്യ രംഗങ്ങളില്‍ മാതൃകാപരമായി പ്രവര്‍ത്തിച്ച നേതാവിനെയാണ് അഹല്യാ ശങ്കറിന്റെ വിയോഗത്തിലൂടെ നഷ്ടമായിരിക്കുന്നതെന്ന് ആര്‍എസ്എസ് ഉത്തര പ്രാന്ത സംഘചാലക് അഡ്വ. കെ.കെ. ബാലറാം അനുശോചിച്ചു. വനിതകള്‍ രാഷ്‌ട്രീയരംഗത്ത് വരാന്‍ മടിച്ച കാലഘട്ടത്തിലാണ് അഹല്യാ ശങ്കര്‍ പൊതുപ്രവര്‍ത്തനത്തിനിറങ്ങിയത്. തീരദേശ മേഖലയില്‍ മാത്രമല്ല കേരളത്തിന്റെ എല്ലാ മേഖലകളില്‍ നിന്നും നിരവധി വനിതകളെ പൊതുരംഗത്തിറക്കാന്‍ അവരുടെ നേതൃത്വത്തിന് കഴിഞ്ഞു. മാതൃകാപരമായ കുടുംബജീവിതവും അനുകരണീയമായ പൊതുജീവിതവുമായിരുന്നു അവര്‍ക്കുണ്ടായിരുന്നത്. വനിതകളുടെ വിദ്യാഭ്യാസ- സാമ്പത്തിക, സാമൂഹ്യ ശാക്തീകരണത്തിനായി നിരവധി പദ്ധതികള്‍ക്ക് അവര്‍ നേതൃത്വം നല്കി. കുടുംബത്തിനുണ്ടായ ദുഃഖത്തില്‍ പങ്കുചേരുന്നു.
Discussion about this post