ന്യൂദൽഹി: അക്കാദമിക രംഗത്തെ സഹകരണത്തിന് ദൽഹി ജവഹർലാൽ നെഹ്റു സർവകലാശാലയും കോഴിക്കോട് മഹാത്മാഗാന്ധി കോളജ് ഓഫ് മാസ് കമ്മ്യൂണിക്കേഷനുമായി (മാഗ്കോം) ധാരണാപത്രം ഒപ്പുവെച്ചു.
ജെഎൻയു സർവ്വകലാശാല വിസി പ്രൊഫ. ശാന്തിശ്രീ ദുലിപുഡി പണ്ഡിറ്റും കോഴിക്കോട് മഹാത്മാഗാന്ധി കോളേജ് ഓഫ് മാസ് കമ്മ്യൂണിക്കേഷൻ ഡയറക്ടർ എ.കെ. അനുരാജുമാണ് ധാരണാ പത്രത്തിൽ ഒപ്പുവെച്ചത്. ദേശീയ വിദ്യാഭ്യാസനയത്തിന്റെ ഭാഗമാണ് സർവകലാശാലകളും ഉന്നതവിദ്യാഭ്യാസകേന്ദ്രങ്ങളും തമ്മിലുള്ള സഹകരണവും പങ്കുവെക്കലുകളുമെന്ന് പ്രൊഫ. ശാന്തിശ്രീ ദൂലിപണ്ഡിറ്റ് പ്രതികരിച്ചു.
ഇത്തരത്തിൽ മാധ്യമപഠനരംഗത്തെ സ്ഥാപനവുമായി ഒരു ധാരണാപത്രത്തിൽ ഒപ്പുവച്ചതിൽ സന്തോഷമുണ്ടെന്നും അവർ കുട്ടിച്ചേർത്തു.
ലോകോത്തര സർവകലാശാലകളും ഉന്നതമാധ്യമ പഠന കേന്ദ്രങ്ങളുമായി സഹകരിച്ച് പ്രവർത്തിക്കുന്നതിന്റെ ഭാഗമായാണ് ജെഎൻയുമായി ധാരണാപത്രം ഒപ്പുവച്ചതെന്ന് മാകോം ഡയറക്ടർ എ. കെ. അനുരാഗ് പ്രതികരിച്ചു. ജെഎൻയു വൈസ് ചാൻസലറുടെ ചേംബറിൽ നടന്ന ചടങ്ങിൽ പ്രജ്ഞാപ്രവാഹ് ദേശീയ സംയോജകൻ ജെ. നന്ദകുമാർ, ഓഗനൈസർ എഡിറ്റർ പ്രഫുൽ കേത്ക്കർ, കേസരി പത്രാധിപരും മാഗ്കോം ഗവേണിങ് ബോഡി അംഗവുമായ ഡോ. എൻ.ആർ. മധു, ജെ.എൻ.യു സെന്റർ ഫോർ മീഡിയ സ്റ്റഡീസ് പ്രൊഫസർമാരായ മനുകൊണ്ട രബീന്ദ്ര നാഥ്, ശുചി യാദവ്, അസിസ്റ്റന്റ് പ്രൊഫ. ഡോ. ആർ.എൽ. റീറ്റ സോണി, സിഎസ് ആർഡി പ്രൊഫ. കൗശൽ ശർമ്മ എന്നിവരും പങ്കെടുത്തു.
Discussion about this post