മുംബൈ: കന്നി വോട്ട് രേഖപ്പെടുത്ത് ബോളിവുഡ് താരം അക്ഷയ് കുമാര്‍. ഭാരത പൗരത്വം നേടിയതിന് ശേഷം അക്ഷയിന്റെ ആദ്യ വോട്ടാണിത്. അഞ്ചാം ഘട്ട വോട്ടെടുപ്പ് നടന്ന മഹാരാഷ്ട്രയിലെ മുംബൈയിലാണ് താരം വോട്ട് രേഖപ്പെടുത്തിയത്. വോട്ട് ചെയ്തതിന് ശേഷം അദ്ദേഹം മാധ്യമപ്രവര്‍ത്തകരോട് സംസാരിച്ചു.
‘എന്റെ ഭാരതം വികസിതവും ശക്തവുമാകണമെന്ന് ഞാന്‍ ആഗ്രഹിക്കുന്നു. അത് ലക്ഷ്യമിട്ടാണ് ഞാന്‍ വോട്ട് ചെയ്തത്. വികസിത ഭാരതത്തിന് വേണ്ടി പ്രവര്‍ത്തിക്കണം. ഭാരതത്തിലെ മുഴുവന്‍ ജനങ്ങളും വോട്ട് ചെയ്യണം. ഉയര്‍ന്ന വോട്ടിങ് ശതമാനം ഞാന്‍ പ്രതീക്ഷിക്കുന്നു.’ 2023 ആഗസ്തില്‍ ഭാരത പൗരത്വം ലഭിച്ചതിന് ശേഷം ആദ്യമായി വോട്ട് ചെയ്തതിന്റെ സന്തോഷവും അക്ഷയ് കുമാര്‍ മാധ്യമങ്ങളോട് പങ്കിട്ടു.
1990കളില്‍ അക്ഷയ് കുമാര്‍ തന്റെ 15 ചിത്രങ്ങള്‍ തുടര്‍ച്ചയായി ബോക്‌സ് ഓഫീസില്‍ തകര്‍ന്നപ്പോള്‍ കനേഡിയന്‍ പൗരത്വത്തിന് അപേക്ഷിച്ചിരുന്നു. 2019 ലാണ് അദ്ദേഹം ഭാരത പൗരത്വത്തിനായി വീണ്ടും അപേക്ഷിച്ചു.ഭാരതമാണ് എനിക്ക് എല്ലാം നല്കിയത്. ഞാന്‍ സമ്പാദിച്ചതെല്ലാം ഇവിടെ നിന്നാണ്. തിരികെ നല്‍കാന്‍ എനിക്ക് അവസരം ലഭിച്ചതില്‍ ഞാന്‍ ഭാഗ്യവാനാണ്. ആളുകള്‍ ഒന്നും അറിയാതെ കാര്യങ്ങള്‍ പറയുമ്പോള്‍ എനിക്ക് വിഷമം തോന്നുന്നു, എന്ന് കനേഡിയന്‍ പൗരത്വം ഉപേക്ഷിക്കുന്ന സമയത്ത് അക്ഷയ്കുമാര്‍ വ്യക്തമാക്കിയിരുന്നു.
Discussion about this post