വിശ്വസംവാദ കേന്ദ്രം നാരദ ജയന്തി ആഘോഷം: സംവാദമാണ് സമൂഹത്തിന് ആവശ്യം: കുമ്മനം

ഹരിപ്പാട്: വിവാദമല്ല സംവാദം ആണ് സമൂഹത്തിന്റെ ആവശ്യമെന്നു മുൻ മിസോറാം ഗവർണർ കുമ്മനം രാജശേഖരൻ.
നാടിനു വേണ്ടി പ്രവർത്തിച്ച യഥാർത്ഥ സ്വാതന്ത്ര സമര സേനാനികളെ നമ്മൾ തിരിച്ചറിഞ്ഞിട്ടില്ല. പുതു തലമുറയ്ക്ക് ഇക്കാര്യം പകർന്നു നൽകണമെന്നും കുമ്മനം രാജശേഖരൻ പറഞ്ഞൂ. വിശ്വ സംവാദ കേന്ദ്രം ഏർപ്പെടുത്തിയ നാരദ ജയന്തി മാധ്യമ പുരസ്‌കാരം ഹരിപ്പാട്ടു വിതരണം ചെയ്യുകയായിരുന്നു കുമ്മനം രാജശേഖരൻ.

ഈ വർഷത്തെ മണ്ണാറശാല വാസുദേവൻ നമ്പൂതിരി സ്മാരക മാധ്യമ പുരസ്കാരത്തിന് മാതൃഭൂമി ഹരിപ്പാട് ലേഖകൻ കെ. ഷാജി അർഹനായി.

ദൂരദർശൻ വാർത്ത അവതാരകനും മൻകീ ബാത്തിൽ പ്രധാനമന്ത്രി യുടെ മലയാള ശബ്ദത്തിനുടമയും ആയ ബി ശ്രീകുമാറിനു പുരസ്‌കാരം നല്കി ആദരിച്ചു.

മുതിർന്ന മാധ്യമ പ്രവർത്തകൻ എസ്.ഡി വേണുകുമാർ,പ്രചാർ പ്രമുഖ് ജെ മഹാദേവൻ തുടങ്ങിയവർ സംസാരിച്ചു.

ചടങ്ങിൽ വ്യത്യസ്ത മേഖലകളിലെ പ്രതിഭകളേയും ആദരിച്ചു.