തിരുവനന്തപുരം: ലോക്സഭ തെരഞ്ഞെടുപ്പിന് നാമനിര്ദ്ദേശ പത്രിക സമര്പ്പിക്കുന്നതിനുള്ള സമയപരിധി സംസ്ഥാനത്ത് അവസാനിച്ചപ്പോള് 20 ലോക്സഭാ മണ്ഡലങ്ങളിലായി 290 സ്ഥാനാര്ഥികളാണുളളത്. ആകെ 499 പത്രികകള് ഇതുവരെ ലഭിച്ചതായി മുഖ്യതിരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു.
നാമനിര്ദ്ദേശ പത്രികകളുടെ സൂക്ഷ്മ പരിശോധന നാളെയാണ്.ഈ മാസം എട്ടിന് നാമനിര്ദ്ദേശ പത്രിക പിന്വലിക്കുന്നതിനുള്ള സമയപരിധി അവസാനിക്കും.
ഇതോടെ സ്ഥാനാര്ഥി പട്ടികയുടെ അന്തിമ രൂപമാകും. ഇതുവരെ നാമനിര്ദ്ദേശ പത്രിക സമര്പ്പിച്ചിട്ടുള്ള സ്ഥാനാര്ത്ഥികളുടെ മണ്ഡലം തിരിച്ചുള്ള വിവരവും തെരഞ്ഞെടുപ്പ് കമ്മീഷന് പുറത്തുവിട്ടു
തിരുവനന്തപുരം 22, ആറ്റിങ്ങല് 14, കൊല്ലം 15, പത്തനംതിട്ട 10, മാവേലിക്കര 14, ആലപ്പുഴ 14, കോട്ടയം 17, ഇടുക്കി 12, എറണാകുളം 14, ചാലക്കുടി 13, തൃശൂര് 15, ആലത്തൂര് 8, പാലക്കാട് 16, പൊന്നാനി 20, മലപ്പുറം 14, കോഴിക്കോട് 15, വയനാട് 12, വടകര 14, കണ്ണൂര് 18, കാസര്കോട് 13 എന്നിങ്ങനെയാണ് സ്ഥാനാര്ത്ഥികളുളളത്.
മാര്ച്ച് 28 നാണ് സംസ്ഥാനത്ത് നാമനിര്ദ്ദേശ പത്രികാ സമര്പ്പണം തുടങ്ങിയത്. പത്രിക സമര്പ്പണത്തിന്റെ അവസാന ദിവസമായ വ്യാഴാഴ്ച 252 നാമ നിര്ദ്ദേശ പത്രികകളാണ് സമര്പ്പിച്ചത്.
Discussion about this post