തിരുവല്ല: ആറന്മുള നിയോജക മണ്ഡലത്തില് കള്ളവോട്ട് നടന്നെന്ന പരാതിയില് രണ്ട് പോളിങ് ഓഫീസര്മാരെയും ബിഎല്ഒയെയും സസ്പെന്ഡ് ചെയ്തു. ബിഎല്ഒ അമ്പിളി ദേവി, പോളിങ് ഓഫീസര്മാരായ ദീപ, കല. എസ്. തോമസ് എന്നിവര്ക്കെതിരെയാണ് നടപടി സ്വീകരിച്ചത്. മരിച്ചയാളുടെ വോട്ട് മരുമകള് രേഖപ്പെടുത്തിയെന്നാണ് പരാതി. വീഴ്ച ബോധ്യപ്പെട്ട സാഹചര്യത്തില് ഈ വോട്ട് അസാധുവായി കണക്കാക്കും.
ആറു വര്ഷം മുന്പ് മരിച്ചുപോയ അന്നമ്മ എന്നയാളുടെ വോട്ട് മരുമകള് അന്നമ്മ രേഖപ്പെടുത്തിയെന്നാണ് പരാതി. ഇതുമായി ബന്ധപ്പെട്ട് ജില്ലാ കളക്ടര് എസ്. പ്രേം കൃഷ്ണന് നടത്തിയ പരിശോധനയുടെ അടിസ്ഥാനത്തിലാണ് നടപടി. വോട്ട് അസാധുവാക്കുമെന്നും തെരഞ്ഞെടുപ്പ് കമ്മിഷന് റിപ്പോര്ട്ട് നല്കുമെന്നും കളക്ടര് അറിയിച്ചു. എന്നാല് സീരിയല് നമ്പര് മാറിപ്പോയതാണെന്നും അബദ്ധവശാല് വോട്ടു മാറി ചെയ്തതാണെന്നുമാണ് അന്നമ്മയുടെ വീട്ടുകാരും യുഡിഎഫും നല്കുന്ന വിശദീകരണം.
