തിരുവല്ല: സഹകാര് ഭാരതി സംസ്ഥാന സമ്മേളനം സംസ്ഥാന സമിതി യോഗത്തോടെ ആരംഭിക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ചക്കുളത്തുകാവ് ഓഡിറ്റോറിയത്തില് ഇന്ന് വൈകിട്ട് നടക്കുന്ന യോഗത്തില് സംസ്ഥാന പ്രസിഡന്റ് പി.സുധാകരന് അധ്യക്ഷത വഹിക്കും. നാളെ രാവിലെ 9.30 ന് സംസ്ഥാന സമ്മേളനം ദേശീയ സഹകാര് ഭാരതി അഖിലേന്ത്യാ ജനറല്സെക്രട്ടറി ഡോ. ഉദയവാസുദേവ് ജോഷി ഉദ്ഘാടനം ചെയ്യും.
സ്വാഗത സംഘം ചെയര്മാന് നേത്ര രോഗ വിദഗ്ധന് ഡോ. ബി.ജി. ഗോകുലന് അധ്യക്ഷത വഹിക്കും. ശ്രീരാമകൃഷ്ണാശ്രമം തിരുവല്ല മഠാധിപതി സ്വാമി നിര്വ്വിണ്ണാനന്ദ മഹാരാജ് ഭദ്രദീപം കൊളുത്തും. ആര്എസ്എസ് ദക്ഷിണ കേരള പ്രാന്ത കാര്യവാഹ് ടി.വി. പ്രസാദ് ബാബു, സഹകാര് ഭാരതി ദേശീയ സമിതിയംഗം അഡ്വ. കരുണാകരന് നമ്പര്, ആര്എസ്എസ് വിഭാഗ് സംഘചാലക് സി.പി.മോഹനചന്ദ്രന്, ബി.ജെ.പി.
ദേശീയ സമിതിയംഗം കെ.ആര്. പ്രതാപചന്ദ്ര വര്മ്മ, സംസ്ഥാന സമിതിയംഗം അഡ്വ. ബി. രാധാകൃഷ്ണ മേനോന്, സഹകാര് ഭാരതി സംസ്ഥന ജനറല് സെക്രട്ടറി എസ്. മോഹനചന്ദ്രന് അനന്തപുരം സഹകരണ ബാങ്ക് പ്രസിഡന്റ് എം. ജയകുമാര്, തിരുവല്ല സഹകരണ ബാങ്ക് പ്രസിഡന്റ് അഡ്വ. എസ്.എന്. ഹരികൃഷ്ണന് എന്നവര് പ്രസംഗിക്കും.
ആര്എസ്എസ് ദക്ഷിണ കേരള പ്രാന്ത പ്രചാരക് എസ്. സുദര്ശന് സംഘടന സന്ദേശം നല്കും. സംഘടന സമ്മേളനം സഹകാര് ഭാരതി ദേശീയ രക്ഷാധികാരി രമേഷ് വൈദ്യ ഉദ്ഘാടനം ചെയ്യും. സംസ്ഥാന സമ്മേളനത്തില് പത്തനംതിട്ട, ആലപ്പുഴ ജില്ല യിലെ ക്ഷണിതാക്കളും സമ്മേളന പ്രതിനിധികളുമുള്പ്പടെ ആയിരം പ്രവര്ത്തകര് പങ്കെടുക്കുമെന്ന് ഭാരവാഹികള് പത്രസമ്മേളനത്തില് വ്യക്തമാക്കി.
സംസ്ഥാന സമ്മേളനം മുഖ്യ സംയോജകന് ഡി. പ്രസന്നകുമാര്, ജനറല് കണ്വീനര് അഡ്വ. ശ്യം മണിപ്പുഴ, അക്ഷയശ്രീ ജില്ല പ്രസിഡന്റ് പി. ഉണ്ണികൃഷ്ണന്, സഹകാര് ഭാരതി ജില്ല സംഘടന സെക്രട്ടറി സന്തോഷ് സദാശിവമഠം എന്നിവര് പങ്കെടുത്തു.
