ഡോ. വൈശാഖ് സദാശിവൻ സംസ്ഥാന പ്രസിഡന്റ്; ഇ.യു.ഈശ്വരപ്രസാദ് സെക്രട്ടറി

കൊച്ചി: എബിവിപി 2025-26 വർഷത്തെ സംസ്ഥാന അധ്യക്ഷൻ ആയി ഡോ. വൈശാഖ് സദാശിവനെയും സംസ്ഥാന സെക്രട്ടറി ആയി ഇ.യു. ഈശ്വരപ്രസാദിനെയും വീണ്ടും തിരഞ്ഞെടുത്തു. എബിവിപി 2025-26 വർഷത്തെ സംഘടനാ തിരഞ്ഞെടുപ്പ് വരണാധികാരി ഡോ. ബി.ആർ അരുൺ തിരഞ്ഞെടുപ്പ് പ്രക്രിയയ്ക്ക് നേതൃത്വം നൽകി. പുതിയ ഭാരവാഹികൾ 2025 ജനുവരി 3,4,5 തിയ്യതികളിൽ എറണാകുളത്ത് നടക്കുന്ന നാൽപതാമത് സംസ്ഥാന സമ്മേളനത്തിൽ വച്ച് ഔദ്യോഗികമായി ചുമതല ഏറ്റെടുക്കും.

തിരുവനന്തപുരം ജില്ലയിലെ നെയ്യാറ്റിൻകര സ്വദേശിയായ ഡോ. വൈശാഖ് സദാശിവൻ കെമിസ്ട്രിയിൽ ഡോക്‌ടറേറ്റ് നേടിയിട്ടുണ്ട്. നിലവിൽ ആലപ്പുഴ സനാതന ധർമ കോളേജിൽ രസതന്ത്ര വിഭാഗം അസിസ്റ്റൻ്റ് പ്രൊഫസർ ആയി അധ്യാപനം നടത്തുന്നു. 2005 മുതൽ എബിവിപിയിൽ പ്രവർത്തിക്കുന്നു. ഇ.യു ഈശ്വരപ്രസാദ് എറണാകുളം ജില്ലയിലെ കാലടി സ്വദേശിയാണ്. കാലടി ശ്രീ ശങ്കരാചാര്യ സംസ്‌കൃത യൂണിവേഴ്‌സിറ്റിയിൽ നിന്നും എം.എസ്.ഡബ്ല്യൂ പഠനം പൂർത്തിയാക്കി.