കോഴിക്കോട്: കേരള ക്ഷേത്രസംരക്ഷണസമിതി 50-ാം സംസ്ഥാനസമ്മേളനം 22, 23, 24 തിയ്യതികളില് നടക്കും. കോഴിക്കോട് റെയില്വേ സ്റ്റേഷന് സമീപം സുകൃതീന്ദ്ര കലാമന്ദിറിലെ മാധവ്ജി നഗറില് രാവിലെ 10 മണിക്ക് നടക്കുന്ന സംസ്ഥാന സമിതി നേതൃയോഗം ആദ്ധ്യാത്മികാചാര്യന് എ.കെ.ബി. നായര് ഉദ്ഘാടനം ചെയ്യും.
23ന് കാലത്ത് 5 മണിക്ക് മഹാഗണപതിഹോമത്തോടെ ചടങ്ങുകള് ആരംഭിക്കും. തുടര്ന്ന് പ്രതിനിധിസമ്മേളനം കോഴിക്കോട് മാതാഅമൃതാനന്ദമയീമഠം മഠാധിപതി സ്വാമി വിവേകാമൃതാനന്ദപുരി ഉദ്ഘാടനം ചെയ്യും. സംസ്ഥാന പ്രസിഡന്റ് മുല്ലപ്പള്ളി കൃഷ്ണന് നമ്പൂതിരി, സംസ്ഥാന സെക്രട്ടറി എന്.കെ. ചന്ദ്രന്, ജി. രാജേന്ദ്രന് എന്നിവര് പ്രസംഗിക്കും. തുടര്ന്ന് ക്ഷേത്രസമന്വയസഭയില് സംസ്ഥാന ഉപാദ്ധ്യക്ഷ പത്മാവതി അമ്മ അദ്ധ്യക്ഷത വഹിക്കും. ഉച്ചക്ക് ശേഷം ദേവസ്വം അക്കൗണ്ട് സംവിധാനം, ദേവസ്വം പ്രവര്ത്തനം എന്നിവയെക്കുറിച്ച് ചാര്ട്ടേഡ് അക്കൗണ്ടന്റ് ചമ്പക്കര കൃഷ്ണന്കുട്ടി, മണികണ്ഠന്, സംസ്ഥാന ട്രഷറര് വി.എസ്. രാമസ്വാമി എന്നിവര് സംസാരിക്കും. മാതൃസമിതി സംസ്ഥാന പ്രസിഡന്റ് പ്രൊഫ. രമാദേവിയുടെ അദ്ധ്യക്ഷതയില് നടക്കുന്ന മാതൃസമ്മേളനം രാജ്യസഭ അംഗം പി.ടി. ഉഷ എംപി ഉദ്ഘാടനം ചെയ്യും.
ആര്എസ്എസ് ഉത്തരകേരള പ്രാന്തകാര്യവാഹ് പി.എന്. ഈശ്വരന്, പ്രസന്ന രവീന്ദ്രന്, ബി. ജയ എന്നിവര് പങ്കെടുക്കും. തുടര്ന്ന് സംസ്ഥാന യുവജനപ്രമുഖ് എം. വിപിന്റെ അദ്ധ്യക്ഷതയില് നടക്കുന്ന യുവജനസമ്മേളനം അഡ്വ. ശങ്കു ടി. ദാസ് ഉദ്ഘാടനം ചെയ്യും. ശൈലേഷ് സി. നായര്, കെ.ആര്. മനോജ് എന്നിവര് പ്രസംഗിക്കും. രാത്രി 7 മണിക്ക് ‘ക്ഷേത്രങ്ങള് സാമൂഹ്യപരിവര്ത്തനകേന്ദ്രങ്ങള്’ എന്ന വിഷയത്തില് സീമാജാഗരണ് മഞ്ച് അഖിലഭാരതീയ സംരക്ഷക് എ. ഗോപാലകൃഷ്ണന് സംസാരിക്കും. സംസ്ഥാന വൈസ് പ്രസിഡണ്ട് കെ. നാരായണന്കുട്ടി, സി.ജി. സനീഷ്കുമാര്, കെ.ഒ. ജയചന്ദ്രന് എന്നിവര് പ്രസംഗിക്കും.
24ന് ഞായറാഴ്ച ‘സമിതി പ്രവര്ത്തകരും പ്രവര്ത്തനവും’ എന്ന വിഷയത്തില് സംസ്ഥാന ഉപാദ്ധ്യക്ഷന് എം. മോഹനന് സംസാരിക്കും. ഇ. കുഞ്ഞിരാമന് നായര്, ഡോ. എ. വിജയരാഘവന്, കനകലത എന്നിവര് പങ്കെടുക്കും. രാവിലെ 10 മണിക്ക് മാധവ്ജി 100-ാം ജന്മദിനാഘോഷവും സമിതിയുടെ 60-ാം വാര്ഷിക സമ്മേളനവും മുന് ഡിജിപി ടി.പി. സെന്കുമാര് ഉദ്ഘാടനം ചെയ്യും. മാധവ്ജിയുടെ പേരില് ക്ഷേത്രസംരക്ഷണസമിതി നല്കിവരുന്ന മാധവ്ജി പുരസ്കാരം ശ്രേഷ്ഠാചാരസഭ ആചാര്യന് എം.ടി. വിശ്വനാഥന് സമര്പ്പിക്കും. മുന് ഗോവ ഗവര്ണര് അഡ്വ. പി.എസ്. ശ്രീധരന്പിള്ള അനുസ്മരണ പ്രഭാഷണം നടത്തും. വൈകിട്ട് 5.30ന് നടക്കുന്ന സമാപന സമ്മേളനം സ്വാമി ഉദിത് ചൈതന്യ ഉദ്ഘാടനം ചെയ്യും.
ക്ഷേത്ര ഭരണം ഭക്തജനങ്ങള്ക്ക് വിട്ടുനല്കണമെന്ന സന്ദേശമാണ് സമ്മേളനത്തില് ഉയര്ത്തുന്നതെന്ന് ഭാരവാഹികള് പറഞ്ഞു. ദേവസ്വം ബോര്ഡുകളുടെ ഭരണം വിശ്വാസി സമൂഹത്തിന് വേദനയുളവാക്കുന്നതാണ്. ക്ഷേത്ര ഭരണം രാഷ്ട്രീയ മുക്തമാക്കണം അവര് പറഞ്ഞു.
വാര്ത്താസമ്മേളനത്തില് സംസ്ഥാന പ്രസിഡന്റ് മുല്ലപ്പള്ളി കൃഷ്ണന് നമ്പൂതിരി, സംസ്ഥാന ജനറല് സെക്രട്ടറി കെ.എസ്. നാരായണന്, സംസ്ഥാന സെക്രട്ടറി എസ്. പ്രബോധ്കുമാര്, സ്വാഗതസംഘം വര്ക്കിംഗ് പ്രസിഡന്റ് എ.കെ. അനുരാജ്, ജില്ല സെക്രട്ടറി എന്. സേതുമാധവന് എന്നിവര് പങ്കെടുത്തു.
Discussion about this post