ബാലഗോകുലം ദക്ഷിണകേരളം വാർഷികസമ്മേളനം; ജൂലൈ മൂന്ന്​ മുതൽ അഞ്ച്​ വരെ മാവേലിക്കരയിൽ

ആലപ്പുഴ: ബാലഗോകുലം ദക്ഷിണകേരളം 51-ാം​ വാർഷികസമ്മേളനം ജൂലൈ മൂന്ന്​ മുതൽ അഞ്ച്​ വരെ മാവേലിക്കര വിദ്യാധിരാജ വിദ്യാപീഠം സെൻട്രൽ സൈനിക്​ സ്കൂളിൽ നടക്കും. വെള്ളിയാഴ്ച രാവിലെ 10ന്​ ദക്ഷിണകേരളം നിർവാഹകസമിതിയോഗത്തോടെയാണ്​ തുടക്കം.  മാവേലിക്കര കൊറ്റർകാവ്​ ​ശുഭാനന്ദാശ്രമം സൂക്ഷ്മാനന്ദ സ്വാമികൾ പരിപാടി ഉദ്​ഘാടനം നിർവഹിക്കും.

ജൂലൈ നാലിന്​ രാവിലെ 9.30ന്​ ​പ്രവർത്തകപഠനശിബിരം മാവേലിക്കര ഉമ്പർനാട്​ നരസിംഹ കുശ്മാണ്ഡ സിദ്ധാശ്രമം സത്​സ്വരൂപാനന്ദ സരസ്വതി സ്വാമികൾ ഉദ്​ഘാടനം നിർവഹിക്കും. തുടർന്ന്​ പ്രതിനിധിസഭ, പരിശീലനസഭ, ചർച്ചസഭ, ബാലസഭ, സംഘാടനസഭ, ഭജനസഭ, ബൗദ്ധിക്​ സഭ എന്നിവയുണ്ടാകും. ജൂലൈ അഞ്ചിന്​ രാവിലെ 10ന്​ പൊതുസഭ എം.ജി സർവകലാശാല വൈസ്​ ​ചാൻസലർ ഡോ. ഡി. മാവൂത്​ ഉദ്​ഘാടനം ചെയ്യും.

ചടങ്ങിൽ മലയാളം കലണ്ടറിന്‍റെയും പുസ്തകത്തിന്‍റെയൂം പ്രകാശനവും നടക്കും. വൈകീട്ട്​ മൂന്ന്​ സമാപനസഭയോടെ വാർഷികസമ്മേളനം സമാപിക്കും. വാർത്തസമ്മേളനത്തിൽ സംസ്ഥാന പൊതുകാര്യദർശി കെ.എൻ. സജികുമാർ, ദക്ഷിണ​കേരള അധ്യക്ഷൻ​ ഡോ.എൻ. ഉണ്ണികൃഷ്ണൻ, റവന്യൂ ജില്ല ഉപാധ്യക്ഷൻ മന്മഥകുമാർ, സംഘാടകസമിതി ജനറൽകൺവീനർ കെ.എം. ഗിരീഷ്​ എന്നിവർ പ​​ങ്കെടുത്തു.